Qala äkımı elımızdegı eŋ damuşy kompaniialardyŋ bırı «NURTAU distribution company» JŞS-nyŋ jūmysymen tanysty.
Atalǧan käsıporyn «Tassai» industrialdy aimaǧynda 1,2 gektar aumaqta ornalasqan. Şokoladty kämpit jäne saǧyz öndırumen ainalysady. 60 jaŋa jūmys ornyn qūryp, 2019-2020 jyldary qūrylysy jürgızılıp, biyl 100 % ıske qosylyp otyr.
Jaŋa käsıporynnyŋ öndırıstık quaty jylyna 1,15 mln. dana şokolad kämpitın, 1,8 mln. dana saǧyz kämpitın qūraidy. Sondai-aq, mekemenıŋ Qazaqstan Respublikasynyŋ barlyq qalalarynda ökılderı, sauda komandasy men alaŋdary bar.
Kompaniianyŋ negızgı auditoriiasy - balalar. Sondyqtan «Orbit» emes, saǧyz kämpitter satylady. 12 türlı assortimentı bar. Mysaly, alma, banan, taŋqurai dämımen ūsynylady. Būl kämpitter men saǧyzdar Şymkentte öndırıletın bolǧandyqtan, şeteldık analogtardan 10% arzan bolady.
Önımder «MEXXI» atauymen şyǧarylady. Jergılıktı bazarlar men barlyq dükenderden aluǧa bolady. 70 paiyzy ışkı naryqta, 30 paiyzy eksportqa jöneltıledı.
Şymkent qalasynyŋ äkımı jūmysşylarmen tıldesıp, jaǧdailarymen tanysty.
- Pandemiia ülkendı-kışılı barlyq käsıpkerlık nysandarǧa özınıŋ äserın tigızdı. Būl özın-özı damytyp otyrǧan mekemenıŋ bıregeiı. Sondyqtan būdan ärı önım türlerın arttyryp, mekemenı keŋeitu maqsatynda barynşa qoldau körsetetın bolamyz. Öndırılgen önımderdıŋ qaladaǧy sauda üilerınde satyluyna jaǧdai jasau kerek, - dep sala basşysyna tapsyrma berdı.
Aita ötu kerek, mūndaǧy mamandardyŋ keibıreulerı jaŋa jabdyqta jūmys ısteu üşın arnaiy oqytudan ötken. Aldaǧy uaqytta kompaniia jügerıden jasalǧan, karamel jäne taiaqşadaǧy qatty kämpitter öndıretın jelılerdı ıske qosudy közdep otyr.
Şymkent qalasy äkımdıgınıŋ baspasöz qyzmetı
