Baiqoŋyr qalasynyŋ tūrǧyndary aimaqtarynda bolyp jatqan densaulyq saqtau salasynyŋ keleŋsız jaǧdailaryna narazylyǧyn bıldırude, dep habarlaidy "Adyrna" tılşısı. Būl turaly tūrǧyndar Galifa Darbuzovanyŋ Facebook paraqşasyndaǧy jazbasynda mälımdedı.
Prezident Qasym-Jomart Toqaevqa, Baiqoŋyr aimaǧynda oryn alyp jatqan zaŋsyz ıs-äreketter jönınde aşyna aitqan tūrǧyndar paraqşadaǧy jazbada:
"Kūrmetti Qasymjomart Kemelūly! Sizge tikelei şaǧymdanuymyzdyŋ basty sebebı,bizde,iaǧni Baiqoŋyr qalasynyŋ tūrǧyndarynda özıŋızden basqa süienetın eşkım bolmaǧandyqtan, amalsyzdan sızge aryz jazuǧa mäjbürmız.Atap aitsaq Baiqonyr,Töretam,Aqai halqynyŋ densaulyq saqtau salasyndaǧy bolyp jatkan keleŋsiz jaǧdaiǧa bailanysty qala tūrǧyndarynyŋ jan-aiqaiy janymyzdy auyrtady.Osy mäselege bailanysty Adyrna ūlttyq portalynda (06.03.2021) menıŋ maqalam jaryq kördı.Baiqoŋyrdaǧy jergılıktı azamattar men Respublika aumaǧyndaǧy janaşyr aǧaiyndarda da maǧan jan-jaqty qoldau bıldırdı.Osy problemaǧa qatysty: oblys äkimi, densaulyq ministrı jäne jemqorlyqqa qarsy is- qimyl agenttiginıŋ töraǧasyna BAQ-dary arqyly jügingen edik.Biraq osy uaqytqa deiın atalmyş memlekettık organdardan eşqandai tekseru äreket pen nätije bolǧan emes.Qalamyzdaǧy auruhananyŋ jaǧdaiy, jūmys isteitin kollektivtiŋ psihologiialyq- moraldik ahualy öte tömen- naşar jaǧdaida,iaǧni eş syn kötermeidı. Oǧan dälel menıŋ "Adyrna"ūlttyq portalyndaǧy Baiqoŋyr qalasyndaǧy köpprofildı auruhana turaly maqalamdaǧy aşy şyndyqqa negızdelgen faktıler.Menıŋ aryzymda aitylǧan kürdelı mäselelerdi bas däriger Jandos Ädılhan şeşuge äreket jasai ma desek, kerisinşe ol meni Kazaqstan Respublikasynyŋ azamatyn,iaǧni bas därigerdiŋ ar-namysyna nūqsan keltirdi degen aiyppen Resei polisiiasyna şaǧym tüsırgen.Sonda Resei federasiiasynyŋ qūqyq qorǧau organdary bas därıger Jandos Ädılhannyŋ janaşyr dosy ärı qorǧany bolǧany ma? Mümkın bas därıgerdıŋ artynda Resei bilıgı tūrǧan joq pa degen oi da bızge maza bermeidı.Älde bas därıger Jandos Ädılhan täuelsızdıgımızge qauıp töndırıp,jerımızdıŋ tūtastyǧyna közın alartqan Fedorov,Nikonov, Jirinovskii,Limonov,t.b siiaqty mysyqtıleulı Resei şeneunıkterıne arqa süiei me? Osy jemqorlyqqa negızdelgen aiqai-şudyŋ şyqqanyna bir jyldai uaqyt boldy.Kemşılıkterdı aitsaŋ Reseidıŋ polisiiasymen qorqytady jäne būndai qoqan-loqy medisina kyzmetkerlerine de katysty.Qit etse Resei qūqyq qorǧau organdarynyŋ pärmenıne süienetın bas därıger Jandos Ädılhannyŋ ozbyrlyǧynan qarapaiym Qazaqstan azamattary,iaǧni Baiqoŋyr qalasynyŋ tūrǧyndary äbden şarşady.Kyzylorda oblysynda Kazahstan azamattaryn korgaityn bilik bar ma,jok pa? Sol üşın sızden Qasym-Jomart Kemelūly Resei qūqyq qorǧau organdarynyŋ psihologiialyq qorqytu-qysymynan bızdı araşalap, qorǧauyŋyzdan ümıt etemız jäne ötınıp sūraimyz Aryz iesı: Galifa Darbuzova jäne bır top qala tūrǧyndary..." dep jazdy.
"Adyrna" ūlttyq portaly
Ūqsas jaŋalyqtar
