Qostanailyq jastar Nauryz merekesı jäne Täuelısızdıktıŋ 30 jyldyǧy aiasynda «Qaiyrymdylyq jäşıgı» aksiiasyn bastady. Sondai şaralardyŋ bırı ondai şaralardyŋ bırı Altynsarin audanynda qolǧa alyndy. Audandyq Jastar resurstyq ortalyǧynyŋ ūiymdastyruymen Mädeniet üiınıŋ bırınşı qabatynan «Jaqsylyq jäşıgı» aşyldy. Erekşelıgı sol – mūnda kez kelgen tūrǧyn öz erıkterımen kiım-keşek pen basqa da tūrmystyq zattardy äkele alady. Tiısınşe, özıŋızge qajettı zattardy tegın alyp ketesız.
– Qaiyrymdylyq jäşıkterıne jinalǧan zattardyŋ bärı paidalanuyna qarai uaqtyly sūryptalyp, erıktıler arqyly kömekke zäru adamdarǧa jetkızıledı. Kei tūrǧyndar qart kısılerge arnap kiımder äkelıp jatyr. Mūnyŋ bärı quantady. Osynau Nauryz merekesınıŋ tüp negızı de bereke-bırlıkte, qaiyrymdylyqta jatyr ǧoi. Audan jastary mūny tereŋ tüsınedı. Bız äleumettık jelılerde jarnama jasap, tūrǧyndardy qaiyrymdylyqqa şaqyryp jatyrmyz. Olar öz mümkındıgınşe azyq-tülık pen tūrmysqa qajettı ärı şaruaşylyq zattaryn qaldyryp, mūqtaj jandarǧa jan-jaqty qoldau körsete alady. Būiymdar tek taza, bütın qalpynda boluy kerek, - deidı audandyq jastar ortalyǧynyŋ mamandary.
Tūrǧyndar qoldap, qaiyrymdylar qatary köbeie tüsse, keleşekte jäşıkter sanyn taǧy köbeitetının aitady ūiymdastyruşy jastar. Būl şara oblystyŋ är audanynda qolǧa alynǧanyn aita keteiık.
