Búgin oblys ákimi Arhımed Muhambetov ákimdik otyrysyn ótkizip, onyń barysynda 2021 jyldyń 10 aıyndaǵy "Nurly jer" turǵyn úı-kommýnaldyq damytýdyń 2020-2025 jyldarǵa arnalǵan memlekettik baǵdarlamasynyń iske asyrylý qorytyndylary qaraldy, dep habarlaıdy “Adyrna” ulttyq portaly Qostanaı oblysy ákiminiń baspasóz qyzmetine silteme jasap.
Aǵymdaǵy jyly "Nurly jer" turǵyn úı-kommýnaldyq damý baǵdarlamasyn iske asyrý sheńberinde oblys boıynsha barlyq qarjylandyrý kózderi esebinen 449 myń sharshy metr turǵyn úı salynady, bul shamamen 4 myń páter.
Aǵymdaǵy jyldyń 10 aıynyń qorytyndysy boıynsha 387,2 myń sharshy metr turǵyn úı salyndy jáne paıdalanýǵa berilgen.
Aıta ketý kerek, óńirler arasynda Qostanaı oblysy turǵyn úıdi iske qosý qarqyny boıynsha respýblıkada 3-shi orynda keledi.
Budan keıin aýyldyq sýmen jabdyqtaý jobalaryn iske asyrý máselesi qaraldy.
Memleket basshysy 2025 jylǵa deıin aýyldyq eldi mekenderdi 100% sapaly aýyz sýmen qamtamasyz etý mindetin qoıdy.
Sýmen jabdyqtaý salasyndaǵy memlekettik baǵdarlamalardy iske asyrýdyń arqasynda osy baǵyt boıynsha jaǵdaı jyl saıyn jaqsaryp keledi.
Aǵymdaǵy jyly halyqty sapaly aýyz sýmen qamtamasyz etý maqsatynda "Nurly jer" memlekettik baǵdarlamasy jáne "Aýyl El besigi" baǵdarlamasy sheńberinde oblys boıynsha 32 joba iske júzege asýda, olarǵa 9,7 mlrd.teńge bólindi.
Búgingi kúni oblys boıynsha 520 aýyl bar, onyń 292 aýyly nemese 56,2% sýmen qamtamasyz etilgen, qalǵan 228 aýyl ortalyqtandyrylmaǵan kózderden alynǵan sýdy jáne tasymaldanatyn sýdy paıdalanady.
2021 jyldyń qorytyndysy boıynsha 9,9 myń adam turatyn 19 aýyl sýmen jabdyqtaý qyzmetterimen qamtamasyz etiletin bolady.
Budan ári nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan "Eńbek" memlekettik baǵdarlamasy sheńberinde 2021 jyly mıkrokredıt berýdi iske asyrý qorytyndylary qaraldy.
Aǵymdaǵy jyly oblys boıynsha shaǵyn jáne orta bıznes sýbektilerin shaǵyn nesıelendirýge 1 mlrd.teńge bólindi.
Nátıjesinde, 2021 jyldyń qorytyndysy boıynsha jospar boıynsha 68 startap joba 172 quryldy, onyń ishinde 136 joba aýyl sharýashylyǵy janýarlaryn ósirýge baǵyttalǵan, 339 jańa jumys orny quryldy.
Arhımed Muhambetov qalalar men aýdandardyń ákimderine turǵyn úıdi paıdalanýǵa berý, aýyldyq sýmen jabdyqtaý jobalary boıynsha josparlanǵan kórsetkishtiń oryndalýyn baqylaýda ustaýdy, sondaı-aq jastar arasynda jas mamandar men 29 jasqa deıingi jumyssyz azamattardy bıznesti qoldaýdyń memlekettik baǵdarlamalaryna tartý boıynsha aqparattyq-túsindirý is-sharalaryn júrgizýdi qamtamasyz etýdi tapsyrdy.
“Adyrna” ulttyq portaly
