NATO kúshteriniń «Teńiz qalqany — 2021» birikken jattyǵýy ótti. Jattyǵýǵa AQSh tarapynan eki keme qatysyp, "Qara teńiz Reseıdiki emestigin kúshpen dáleldedi" dep jazdy The Washington Times aqparat kózi.
"Qara teńizdegi bizdiń áskerı jattyǵýlarymyz NATO seriktesterin barynsha qoldap, teńizdegi qaýipsizdikti saqtaıtynymyzdyń aıqyn dáleli", - dedi «Montereı» kreıseriniń kapıtany Djozef Baggett.
WT jazýynsha «Teńiz qalqany— 2021» jattyǵýy barysynda «Montereı» kreıseri «Tomas Hadner» esmıneimen birge jattyǵýǵa qatysqan. AQSh, Albanııa, Bolgarııa jáne Horvatııa áskerıleri teńizde shaıqasýdyń tásilderin birlese meńgerdi.
AQSh bastaǵan NATO elderi sońǵy ýaqytta Qara teńizdegi áskerı jattyǵýlar sanyn eselep arttyrdy. Oǵan basty sebep Baıdenniń Shyǵys Eýropadaǵy áskerı kúshti arttyrý boıynsha usynystary jáne Reseıdiń agressııalyq saıasatyna qarsy jaýap berý.
Ashat QASENǴALI,
"Adyrna" ulttyq portaly
