Qaşyqtyqtan oqytu kezınde balalardy kompiutermen qamtamasyz etu üşın bölıngen qarajatty jymqyru faktılerıne qatysty qylmystyq ıster tergelıp jatyr. Būl turaly Sybailas jemqorlyqqa qarsy ıs-qimyl agenttıgınıŋ asa maŋyzdy ıster jönındegı tergeuşısı Daniiar Bekaidarov aitty dep habarlaidy «Adyrna» ūlttyq portaly.
«Jyl basynan berı Sybailas jemqorlyqqa qarsy qyzmet 650-ge juyq sotqa deiıngı tergeudı tırkedı. 60 lauazym iesı ūstalyp, 57 adamǧa qatysty qamauda ūstau būltartpau şarasy qabyldandy»,-dedı D. Bekaidarov onlain brifingıde.
Sonymen qatar ol QR Ükımetı rezervı esebınen aǧymdaǧy ıs-şaralardy jürgızu baǧdarlamasy boiynşa kompiuter, planşet pen noutbuk satyp aluǧa 2020 jyly bölıngen biudjet qarjysyn jymqyru faktılerı boiynşa qylmystyq ıster tergelıp jatqanyn aitty. Osy oraida bılım beru basqarmasynyŋ lauazym ielerıne qatysty elımızdıŋ bes öŋırınde 6 qylmystyq ıs tergelıp jatyr.
«Qarajat qaşyqtyqtan oqytu kezınde tabysy az otbasylardyŋ balalaryn kompiutermen qamtamasyz etu üşın bölıngen bolatyn. Atalǧan sotqa deiıngı tergeu memlekettık ışkı audit aktılerı negızınde tırkeldı. Sotqa deiıngı tergeu amaldary jalǧasyp jatyr», - dedı Daniiar Bekaidarov.
Älemnıŋ damyǧan, örkeniettı elderı pandemiia kezınde meilınşe halqyna kömektesıp, azamattaryna barynşa qoldau körsetuge küş saldy. Al bızdıŋ elımızde jaǧdai kerısınşe örbıdı. El basyna kün tuǧan şaqta da qu qūlqynyn ǧana oilaǧandardy virus ta, basqa da toqtatpaǧany ökınıştı. Sabaqty üiınde otyryp oquyna yŋǧaily bolsyn dep ükımet tarapynan arnaiy aqşa bölıp, noutbuk taratu ısı qolǧa alyndy-aq. Ökınışke qarai, biudjetten bölıngen ol aqşany da aranyna toǧytudan taiynbaǧandar bolypty.
Būl äzırge anyqtalǧan bırer ǧana derek. Al it arqasy qiiandaǧy auyl-aimaqtarda būl mäselenıŋ qalai şeşılgenın kım bılsın?! Tek jep qalu, qarbyta auyzǧa salu, öŋeşten qazır ötkıze salu... Būl qazırgı bızdıŋ qoǧamnyŋ şynaiy kelbetıne ainaldy. Bılım basqarmalarynyŋ pandemiia kezındegı batqan bylyqtary mūnymen toqtamaityny sözsız. El qazynasynyŋ milliardtaǧan qarjysy qanşama adamnyŋ qaltasynda ketkenı anyqtalu-anyqtalmauy belgısız şarua. Alaida Qazaqstan qoǧamy sät saiyn tek qaltaǧa basyp qaludy, jep qaludy ǧana közdeitınderdıŋ ortasyna ainalǧany ökınıştı.
Mūqaş MŪRATŪLY,
«Adyrna» ūlttyq portaly.
Ūqsas jaŋalyqtar
