Erjan Qazyhanov Prezidenttıŋ halyqaralyq yntymaqtastyq jönındegı arnaiy ökılı bolyp taǧaiyndaldy, dep habarlaidy "Adyrna" ūlttyq portaly.
Ol 2017 jyldyŋ aqpan aiynan berı atqarǧan Qazaqstannyŋ Amerika Qūrama Ştattaryndaǧy Tötenşe jäne Ökılettı Elşısı qyzmetınen bosatyldy.
Syrtqy ıster ministrınıŋ eks-orynbasary Erjan Aşyqbaevtyŋ Qazaqstannyŋ AQŞ-taǧy jaŋa elşısı bolǧanyn da atap ötken jön.
Būǧan deiın Qasym-Jomart Toqaev prezidenttıŋ halyqaralyq yntymaqtastyq jönındegı arnaiy ökılı turaly erejenı bekıtken bolatyn. Qūjatqa säikes arnaiy ökıldı Prezident Äkımşılıgı basşysynyŋ ūsynysy boiynşa Prezident taǧaiyndaidy jäne qyzmetten bosatady. El Prezidentınıŋ aldynda esep beredı.
Arnaiy ökıldıŋ negızgı mındetterı: saiasi, ekonomikalyq, gumanitarlyq jäne ekologiialyq salalarda halyqaralyq qatynastar ornatu; Qazaqstan Respublikasy syrtqy saiasatynyŋ jäne Prezident bastamalarynyŋ negızgı baǧyttaryn ılgerıletudı qamtamasyz etu.
Erjan Qazyhanov 1964 jyly 21 tamyzda Almatyda düniege kelgen. Leningrad memlekettık universitetınıŋ şyǧystanu fakultetın bıtırgen. Tarih ǧylymdarynyŋ kandidaty. Diplomatiialyq mansabyn 1989 jyly ekınşı hatşy retınde bastady. Ortalyq apparatta türlı qyzmetter atqardy.
Ol Niu-Iorktegı BŪŪ janyndaǧy Qazaqstannyŋ tūraqty ökıldıgınde jūmys ıstedı. Qazaqstannyŋ Avstriiadaǧy, Ūlybritaniiadaǧy jäne Soltüstık İrlandiiadaǧy elşısı, sonymen qatar Niu-Iorktegı BŪŪ janyndaǧy Qazaqstannyŋ tūraqty ökılı jäne Venadaǧy halyqaralyq ūiymdardaǧy Qazaqstannyŋ tūraqty ökılı bolǧan. Ol ekı ret Prezidenttıŋ kömekşısı bolǧan. 2007-2008, 2011 jyldary syrtqy ıster ministrınıŋ orynbasary boldy. 2011-2012 jyldary Syrtqy ıster ministrlıgın basqardy.
"Adyrna" ūlttyq portaly
