Aqyly negızde ötken Ūlttyq bıryŋǧai testıleu (ŪBT) synaq testın tapsyrǧan şamamen 40% tülek mejelı ūpai jinai almaǧan, dep habarlaidy "Adyrna" ūlttyq portaly, Stan.kz aqparat agenttıgıne sılteme jasap.
Ortalyq kommunikasiialar qyzmetınde ötken brifing barysynda Qazaqstannyŋ Ūlttyq testıleu ortalyǧynyŋ direktory Didar Smaǧūlov Ūlttyq bıryŋǧai testıleu bastalǧannan berı respublika boiynşa 80 myŋǧa juyq oquşy testıleuden ötkenın mälımdedı.
"Mejelı baldy 60% tülek jinady. Ädettegıdei, Qazaqstannyŋ oŋtüstık öŋırlerınde tülekterdıŋ eŋ köp sany tırkeldı", - dedı Smaǧūlov.
Nauryzdaǧy ŪBT-ǧa tırkelu 4 nauryzda bastaldy. Testıleu 2021 jylǧy 10 nauryz ben 10 säuır aralyǧynda ötedı. ŪBT tapsyru qūny 2 242 teŋgenı qūraidy.
Biyl mejelı ball özgerıssız qalady (pedagogikalyq mamandyqtardan basqa). Respublikalyq jäne jeke menşık joǧary oqu oryndaryna ötu baly – 50 ball, ūlttyq joǧary oqu oryndaryna jäne auyl şaruaşylyǧy baǧyttary mamandyqtary boiynşa - 60 ball, medisinalyq joǧary oqu oryndaryna tüsu üşın kemınde 75 ball jinau qajet.
Biyl ŪBT-ny 120 myŋnan astam tülek jäne basqa da qatysuşylar tapsyrady dep josparlanuda. Qazaqstan boiynşa oquşylar ŪBT tapsyratyn 51 punkt bazasynda synaq tapsyrady.
"Adyrna" ūlttyq portaly
