Eshqashan meshit pen medresege aqsha bermeńiz!

4735
Adyrna.kz Telegram

Qurmetti Otandastarymdy eshqashan jáne eshýaqytta meshit pen medreselerge aqsha-qarajat bermeýge shaqyramyn! Bıylǵy orazada resmı múftııat pitir-sadaqa jan basyna 420 teńge dep belgilep otyr. Eger de orta eseppen 7-mıllıondaı qazaqstandyq árqaısysy 420 teńgedeı kómekti muqtaj jandarǵa aqshalaı ıakı azyq-túlik túrinde berse,shamamen bul soma 3 mıllıard 640 mıllıon teńgeni quraıdy eken.Jaratýshy-Táńirdiń shynaıy razylyǵyn izdeseńizder,qaıyrymdy is-áreketterińizben kóp balaly analarǵa,qaryzǵa belshesinen batqan azamattar,QHR-diń genoıd saıasatynyń qurbany bolǵan tiri jetim-jesirler men elimizdegi júzdegen saıası tutqyndardyń otbasyna kómektesýlerińizdi ótinip suraımyn.

  1. Kedeı-kepshik, jetim-jesirler jáne kúnkórisi qıyndap ketken otbasy múshelerine pitir-sadaqa berý mindet emes. Qaıta ashyǵyp otyrǵan bala-shaǵasynyń aýzynan jyryp alyp basqaǵa kómektesý Quran ilimine, musylmandyqqa qaıshy.
  2. Baı, dáýletti azamattar pitir-sadaqasyn meshitke emes, ashyqqan otbasylarǵa bergeni jáne kómektiń kólemi 420 teńgemen shektelmegeni jón. Mıllıarderler mıllıondaǵan somadaǵy sadaqa berýine bolady, shekteý joq.
  3. Quran ilimi boıynsha, pitir-sadaqa Oraza jáne Qurban aıt kezinde ǵana tartylmaıdy, onyń merzim aralyǵy kórsetilmegen, ıgi sharany dál qazir, kez kelgen ýaqytta bastaı berse de bolady.
  4. Pitir-sadaqa azyq-túlik túrinde taratylmaǵany, árbir otbasynyń esepshotyna aqsha túrinde aýdarylǵany jón. Bul adamdardyń bir jerge toptasýyna, koronavırýs indetiniń jaıylýyna kedergi bolady.

Qoǵam belsendileri men jýrnalıster ózderiniń áleýmettik jelidegi paraqshasynda jetim-jesir, kedeı-kepshiktiń málimetin jarııalap, olarǵa aqshalaı beriletin pitir-sadaqany jetkizýge kómek kórsetse, ıgi is bolar edi. Osy izgi amaldy, ıgi bastamany qoǵam bolyp qoldap júzege asyrsaq, halqymyzdyń basyna túsken qıyn kezeńdi jeńildikpen eńserip shyǵamyz. Sonda ǵana ortaǵasyrlyq dúmshe dástúrden arylyp, Uly Jaratýshynyń kórsetken jolyna túsemiz...

Begaly Saparalynyń jazbasynan.

Pikirler