Biyl auqymdy su tasqyny kütılmeidı. Degenmen qatty jauyn-şaşyn bolǧan jaǧdaida su basuy mümkın bırqatar öŋırler bar. Būl turaly ekologiia, geologiia jäne tabiǧi resurstar vise-ministrı Serık Qojaniiazov mälımdedı, dep habarlaidy "Adyrna" ūlttyq portaly derekközge sıltep.
"Qazgidromet" mälımetıne süiensek, biyl 2015, 2017 jyldary bolǧandai auqymdy su tasqyny kütılmeidı. Aua raiynyŋ kürt özgeruı jäne qatty jauyn-şaşyn bolǧan jaǧdaida Qaraǧandy, Aqmola, Soltüstık Qazaqstan, Qostanai, Almaty, Türkıstan, Jambyl jäne Şyǧys Qazaqstan oblystaryn jergılıktı su basu qaupı bar", - dedı Qojaniiazov OKQ brifingınde.Onyŋ aituynşa, qazır respublikanyŋ barlyq aumaǧynda qar qarqyndy erıp jatyr.
"Qar Qyzylorda, Maŋǧystau oblystarynda, sondai-aq Almaty, Türkıstan jäne Jambyl oblystarynyŋ jazyq bölıgınde tolyq erıp kettı. Alaida jazyqta ornalasqan eldı mekenderde su basu qaupı tek köktemgı kezeŋde ǧana bolsa, tauly jerlerde su tasqyny qaupı taularda qar erıgende jäne qatty jauyn-şaşyn bolǧanda tuyndaidy", - dep eskerttı Qojaniiazov.
Ūqsas jaŋalyqtar
