Pekın alǵash ret álemdegi eń kóp mıllıarderler sany bar qalaǵa aınaldy, dep habarlaıdy "Adyrna" ulttyq portaly Daily Mail saıtyna silteme jasap.
Forbstyń mıllıarderler tizimine sáıkes, 2020 jyldyń sońyna qaraı Pekınde 100 mıllıarder ómir súrdi, bul Nıý-Iorktan da artyq.
Bir jyl ishinde Qytaı astanasynda 33 jańa mıllıarder paıda boldy. Al Nıý-Iorkte - barlyǵy 7. Sonymen birge, Beıjińniń halqy 21 mıllıon adamdy quraıdy, bul 8,4 mıllıon halqy bar Nıý-Iorktegiden 2,5 ese kóp.
Beıjińniń eń baı turǵyny, TikTok áleýmettik jelisine ıelik etetin bas kompanııa - ByteDance negizin qalaýshy Chjan Iımınniń baılyǵy 35,6 mıllıard dollar.
Nıý-Iorktiń burynǵy meri Maıkl Blýmberg - 59 mıllıard dollarlyq baılyǵymen óz qalasyndaǵy eń baı adam. Álemdegi eń kóp mıllıarderleri bar on qalaǵa Beıjińnen basqa taǵy tórt qytaı qalasy kiredi. Sonymen, 80 baı adamy bar Gonkong úshinshi orynǵa, Shenchjen 68 mıllıarderimen - besinshi, al Shanhaı 64 baı adammen - altynshy orynǵa ıe boldy. Tizimge engen AQSh-tyń jalǵyz qalasy San-Franısko boldy. Ol 48 mıllıardermen segizinshi orynda keldei.
Amerıka Qurama Shtattarynda álemdegi kez-kelgen elge qaraǵanda mıllıarderler kóp turady dep habarlandy. El 724 mıllıarderi bar kóshbasshy bolyp qala beredi. Qytaı, onyń ishinde Gonkong pen Makao, 698 mıllıardermen ekinshi orynda tur.
Tizimniń kelesi satysynda Úndistan 140, Germanııa 136 jáne Reseı 117 mıllıardermen tur. Buǵan deıin álemdegi eń baı adamdardyń jyldyq reıtıngine alty qazaqstandyq mıllıarder engizilgen bolatyn. Sondaı-aq, Qazaqstan eń baı adamdar sanynyń ósýi boıynsha alǵashqy 8 eldiń qataryna kirdi.
"Adyrna" ulttyq portaly
