Reseıdiń áýe-qorǵanys kúshteri Sırııaǵa joıqyn soqqy berdi
Reseıdiń bombalaýshy ushaqtary Sırııanyń memlekettik mekemelerine shabyýldaýǵa daıyn otyrǵan ekstremısttik toptardyń ústinen áýe kúshteri arqyly soqqy jasady. Soqqynyń saldarynan 200 sodyrdyń kózi joıylǵan. Muny Reseıdiń qorǵanys mınıstrligi resmı habarlady.
Atalǵan jaǵdaı Sırııanyń Palmıra qalasynyń soltústik-shyǵysynda oryn aldy. Ushaqtardyń bombalaýy kezinde sodyrlardyń birneshe jasyryn oryndary, kalıbrli pýlemetteri, 24 pıkapy, 500 kelige tarta oq-dárileri men jarylǵysh zattarynyń kózi joıylǵan.
Osydan biraz ýaqyt buryn Reseı qorǵanys mınıstrligi Sırııanyń Et-Tanf zonasynda soǵysqa daıyndyq jasap jatqan sodyrlardyń áreketine barlaý jasaǵan. Sodyrlar Sırııanyń memlekettik mekemelerine terrakt jasamaq bolǵan.
Bekbolat QARJAN,
"Adyrna" ulttyq portaly
