Nūr-Sūltanda er adam öz-özıne qol jūmsamaq niette köpırden özenge sekırgen qyzdy aman saqtap qaldy, dep habarlaidy "Adyrna" ūlttyq portaly elorda DP baspasöz qyzmetıne sılteme jasap.
Habarlanǧandai, 20 säuırde saǧat 11.16-da «Nūr-Sūltan» DP jedel basqaru ortalyǧynyŋ «102» nömırıne Qazaqstan SK maŋyndaǧy köpırden qyz özenge sekırıp kettı degen habarlama kelıp tüstı. Oqiǧaǧa 38 jastaǧy Denis Sindeev kuä boldy.
«Men jaqyn jerde tūrdym jäne bır kezde adamdardyŋ köpırden suǧa sekırdı degen aiqailaryn estıdım. Jaqynyraq jügırıp bara jatsam, suda qalqyp bara jatqan qyzdy kördım. Men eş oilanbastan syrtqy kiımderımdı şeşıp, özenge sekırdım», deidı Denis.Qyzǧa jüzıp jetken qūtqaruşy ony ūstap alyp, jaǧaǧa şyǧaryp, därıgerlerge tapsyrdy. Qazır qyzdyŋ ömırıne qauıp tönıp tūrǧan joq. Oqiǧanyŋ män-jaiyn Nūr-Sūltan polisiiasy zerttep jatyr. Elorda polisiiasynyŋ bastyǧy general-maior Erjan Sadenov Denis Sindeevke erlıgı üşın alǧys aityp, alǧys hat pen baǧaly syilyq tapsyrdy.
"Adyrna" ūlttyq portaly
Ūqsas jaŋalyqtar
