Būl zaŋ jobasyn kımder äzırlep, mäjılıstıŋ qarauynan ötkızıp, senattyŋ maqūldauyna tapsyryp otyr?
Senatta qaralyp jatqan qūjatta Orman şaruaşylyǧyna qatysty sanattaǧy jerlerdı şeteldıkter men azamattaǧy joq adamdarǧa 25 jylǧa jalǧa beru men auksion arqyly alu boiynşa bap bar. Özderıŋız bılesızder, keşegı jūmysy nätijesız aiaqtalǧan jerkomda tek auylşaruaşylyǧy sanatyndaǧy jerler ǧana talqylanyp, özge sanattaǧy jerlerdı ainalşyqtap öttı. Sol ainalşyqtaudyŋ arqasynda 48 baptyŋ 2 tarmaǧy qoǧamnyŋ, azamattardyŋ nazaryna ılıktı.
Dos Köşımnıŋ aituynşa, būl zaŋ jobasy erterekte prezidenttıŋ aituymen daiyndalǧan. Bıraz ǧana būryn prezidenttıŋ özı "Jer şeteldıkterge satylmaidy jäne jalǧa berılmeidı" dedı. Prezident aitqan negızı auylşaruaşylyǧyna qatysty jer sanattary bolatyn. Al endı keşegı jerkomnyŋ būl bapqa eşqandai da qatysy bolmaǧan. Sonda būl zaŋ jobasyn kımder äzırlep, mäjılıstıŋ qarauynan ötkızıp, senattyŋ maqūldauyna tapsyryp otyr?
Älde būl jerde jasyryn ekınşı jerkom jūmys jasap jatyr ma?
Būl zaŋ jobasy qazır senatta talqylanyp jatyr. 48 baptyŋ 2 tarmaǧynyŋ tekstı mynadai:«Sauda-sattyqtyŋ (konkurstardyŋ, auksiondardyŋ) jeŋımpazdaryna – şeteldıkter men azamattyǧy joq adamdarǧa auyl şaruaşylyǧy öndırısın, orman ösırudı, qosalqy auyl şaruaşylyǧyn jürgızu üşın jer uchaskelerı 25 jylǧa deiingı merzımmen jaldau şarttarymen uaqytşa jer paidalanuǧa berıledı». Zaŋ jobasynda auyl şaruaşylyǧyn öndırısı men orman ösırudı, qosalqy auyl şaruaşylyǧyn jürgızu üşın dep anyq aityp jatyr.
Būl zaŋ jobasynyŋ senatta qaralyp jatqanynan deputat Aidos Sarymnyŋ da, elge belgılı saiasatker Dos Köşımnıŋ de, jerkom müşesı, qoişy Almasbektıŋ de habary joq. Aqordaǧa tabany bırtaban jaqyndau, ükımet pen parlament keŋselerınde osyndai jasyryn prosester jürıp jatqanyn būl azamattardyŋ bılmei qalǧany qalai boldy?
Eger de atalǧan zaŋ jobasy senatta maqūldanatyn bolsa, orman şaruaşylyǧy sanatyndaǧy jerler 25 jylǧa auksionmen şeteldıkterge jalǧa berıledı. Al būl bapqa qosarlarǧan auylşaruaşylyǧy öndırısı, qosalqy auylşaruaşylyǧyn jürgızu degenı taǧy bar. Ary qarai özıŋız oilanyp közıŋız!
Sol maŋaidaǧy azamattardan jauap kütemın!
Mümkın, Mūhtar Taijan aǧamyz jauap berer...!
Bekbolat QARJAN,
"Adyrna" ūlttyq portaly
Ūqsas jaŋalyqtar
