Aqtöbe oblysynda azamattyq qoǧamdy damytuǧa, ükımettık emes ūiymdardyŋ (ÜEŪ) äleuetın arttyruǧa baǧyttalǧan jüielı jūmys jürgızılude. Bügınde öŋırde 808 ükımettık emes ūiym tırkelgen. Onyŋ ışınde 643 ūiym (80%) Aqtöbe qalasynda, al 165 ūiym (20%)audandarda öz qyzmetın jüzege asyruda.
Oblystyq äkımdıktıŋ baspasöz qyzmetı habarlaǧandai, aǧymdaǧy jyly oblys boiynşa 86 äleumettık joba memlekettık äleumettık tapsyrys aiasynda ıske asyryluda. Būl jobalar qoǧamnyŋ türlı salalaryn — bılım, mädeniet, jastar saiasaty, ekologiia, äleumettık qoldau jäne inkliuziia baǧyttaryn qamtidy.
Sonymen qatar, «Aqtöbe oblysynyŋ Azamattyq ortalyǧy» qauymdastyq türındegı zaŋdy tūlǧalar bırlestıgı «Aqtöbe oblysynyŋ Azamattyq ortalyǧynyŋ qyzmetın ūiymdastyru» grantyn jüzege asyruda. Grant aiasynda Azamattyq ortalyq öŋırdegı ÜEŪ-darǧa keŋ auqymdy konsultasiialyq jäne ädıstemelık qoldau körsetıp keledı. Atap aitqanda, memlekettık äleumettık tapsyrys pen granttyq qarjylandyruǧa ötınımder daiyndau, syilyqaqy alu üşın qūjattar äzırleu, jūmys ıstemeitın jäne taratylu satysyndaǧy ūiymdardy jabu boiynşa tüsındırme jūmystary jürgızılude.
Auyldyq jerlerdegı azamattyq bastamalardy qoldau maqsatynda audan ortalyqtarynda oqytu seminarlary ötkızılgen. Būl şaralar auyldyq ÜEŪ ökılderınıŋ käsıbi bılıktılıgın arttyryp, äleumettık jobalardy tiımdı jüzege asyruǧa mümkındık bermek.
«Belsendı qoǧam – berık bolaşaq»: XII Azamattyq forum öttı
Qyrküiek aiynda «Aqtöbe oblysynyŋ Azamattyq ortalyǧy» ZTB ūiymdastyruymen «Belsendı qoǧam – berık bolaşaq» atty Aqtöbe oblysynyŋ XII Azamattyq forumy joǧary deŋgeide öttı. Forum «Oblystaǧy azamattyq bastamalardy qoldau jäne damytu» granty aiasynda ūiymdastyrylyp, öŋırdıŋ qoǧamdyq-saiasi ömırındegı maŋyzdy oqiǧaǧa ainaldy.
Forumnyŋ basty maqsaty – azamattyq qoǧamdy damytudyŋ özektı mäselelerın talqylau, memlekettık organdar men ÜEŪ arasyndaǧy serıktestıktı nyǧaitu, üzdık täjıribelermen almasu jäne öŋırdıŋ damuyna serpın beretın jaŋa bastamalardy qalyptastyru boldy.
Şaraǧa Qazaqstan Respublikasy Mädeniet jäne aqparat ministrlıgınıŋ Azamattyq qoǧam ısterı komitetı töraǧasynyŋ orynbasary, Qazaqstan Azamattyq Aliansynyŋ prezidentı, Azamattyq bastamalardy qoldau ortalyǧynyŋ töraǧasy, «Qazaqstan halqyna» qoǧamdyq qorynyŋ basqarma töraiymy, sondai-aq Atyrau jäne Batys Qazaqstan oblystarynan kelgen delegattar, memlekettık organ basşylary, qalalyq jäne audandyq ÜEŪ jetekşılerı, ziialy qauym ökılderı qatysyp, özara täjribe almasu alaŋyna ainalǧan.Ūiymdastyruşylar būndai taǧylymdy kezdesulerdı jiı ötkızudı maqsat etetının jetkızdı.
Qoǧamdyq serıktestık – tūraqty damudyŋ negızı
Aqtöbe oblysynyŋ XII Azamattyq forumy azamattyq qoǧam men memlekettık sektor arasyndaǧy özara senım men ärıptestıktı nyǧaituǧa serpın berdı.Forum barysynda qatysuşylar naqty şeşımder ūsynyp, qoǧamnyŋ özektı mäselelerın şeşuge baǧyttalǧan jaŋa jobalar men bastamalar köterdı. Azamattyq qoǧam ökılderınıŋ pıkırınşe, mūndai kezdesuler öŋırdıŋ damuyna tyŋ serpın berıp, qoǧamdaǧy äleumettık jauapkerşılıktı arttyrady.
Aqtöbe oblysynyŋ «Azamattyq ortalyǧy» aldaǧy uaqytta da azamattyq bastamalardy qoldap, qoǧamdyq ūiymdardyŋ käsıbi damuyna jaǧdai jasaudy jalǧastyra bermek.
