Aqtöbe oblysynda ekı esepşı ondaǧan jüktı äieldı jalǧan käsıpker retınde tırkep, memleketten milliondaǧan äleumettık tölem alyp bergen, dep habarlaidy «Adyrna» ūlttyq portaly.
2023–2024 jyldary aiyptaluşylar ondaǧan äieldı dekretke şyǧarar aldynda bırden bırneşe jeke käsıpkerlıkke räsımdegen. Osylaişa, äleumettık audarymdar jasalyp, ärbır «klientke» 3,9–4 mln teŋge kölemınde jüktılık jäne bosanuǧa bailanysty järdemaqy, sondai-aq ai saiyn 170–200 myŋ teŋge kölemınde tölem taǧaiyndalǧan.
Tergeu mälımetınşe, bır äiel tıptı 19 türlı jeke käsıpker retınde tırkelgen. Jalǧan qūjattar men kassalyq orderlerdı räsımdeu arqyly olar aqşa audarymdaryn zaŋdy etıp körsetken. Alynǧan qarjydan buhgalterler 500 myŋ teŋgeden astam «qyzmet aqysyn» alyp otyrǧan.
Jalpy şyǧyn kölemı – 98 mln teŋge. Onyŋ 25 mln teŋgesı sotqa deiın qaitaryldy, qalǧan soma äleumettık saqtandyru qory tarapynan azamattyq sotta öndırılmek.
Sot ükımımen esepşıler 6 jylǧa bas bostandyǧynan aiyryldy.
Sonymen qatar olardyŋ mülkı tärkılenıp, 5 jyl boiy buhgalterlık qyzmetpen ainalysuyna tyiym salyndy. Alaida kämeletke tolmaǧan balalarynyŋ jaǧdaiyna bailanysty ükımnıŋ oryndaluy 5 jylǧa şegerıldı.
