اقتوبە وبلىسىندا ازاماتتىق قوعامدى دامىتۋعا، ۇكىمەتتىك ەمەس ۇيىمداردىڭ (ۇەۇ) الەۋەتىن ارتتىرۋعا باعىتتالعان جۇيەلى جۇمىس جۇرگىزىلۋدە. بۇگىندە وڭىردە 808 ۇكىمەتتىك ەمەس ۇيىم تىركەلگەن. ونىڭ ىشىندە 643 ۇيىم (80%) اقتوبە قالاسىندا، ال 165 ۇيىم (20%)اۋدانداردا ءوز قىزمەتىن جۇزەگە اسىرۋدا.
وبلىستىق اكىمدىكتىڭ ءباسپاسوز قىزمەتى حابارلاعانداي، اعىمداعى جىلى وبلىس بويىنشا 86 الەۋمەتتىك جوبا مەملەكەتتىك الەۋمەتتىك تاپسىرىس اياسىندا ىسكە اسىرىلۋدا. بۇل جوبالار قوعامنىڭ ءتۇرلى سالالارىن — ءبىلىم، مادەنيەت، جاستار ساياساتى، ەكولوگيا، الەۋمەتتىك قولداۋ جانە ينكليۋزيا باعىتتارىن قامتيدى.
سونىمەن قاتار، «اقتوبە وبلىسىنىڭ ازاماتتىق ورتالىعى» قاۋىمداستىق تۇرىندەگى زاڭدى تۇلعالار بىرلەستىگى «اقتوبە وبلىسىنىڭ ازاماتتىق ورتالىعىنىڭ قىزمەتىن ۇيىمداستىرۋ» گرانتىن جۇزەگە اسىرۋدا. گرانت اياسىندا ازاماتتىق ورتالىق وڭىردەگى ۇەۇ-دارعا كەڭ اۋقىمدى كونسۋلتاتسيالىق جانە ادىستەمەلىك قولداۋ كورسەتىپ كەلەدى. اتاپ ايتقاندا، مەملەكەتتىك الەۋمەتتىك تاپسىرىس پەن گرانتتىق قارجىلاندىرۋعا وتىنىمدەر دايىنداۋ، سىيلىقاقى الۋ ءۇشىن قۇجاتتار ازىرلەۋ، جۇمىس ىستەمەيتىن جانە تاراتىلۋ ساتىسىنداعى ۇيىمداردى جابۋ بويىنشا تۇسىندىرمە جۇمىستارى جۇرگىزىلۋدە.
اۋىلدىق جەرلەردەگى ازاماتتىق باستامالاردى قولداۋ ماقساتىندا اۋدان ورتالىقتارىندا وقىتۋ سەمينارلارى وتكىزىلگەن. بۇل شارالار اۋىلدىق ۇەۇ وكىلدەرىنىڭ كاسىبي بىلىكتىلىگىن ارتتىرىپ، الەۋمەتتىك جوبالاردى ءتيىمدى جۇزەگە اسىرۋعا مۇمكىندىك بەرمەك.
«بەلسەندى قوعام – بەرىك بولاشاق»: XII ازاماتتىق فورۋم ءوتتى
قىركۇيەك ايىندا «اقتوبە وبلىسىنىڭ ازاماتتىق ورتالىعى» زتب ۇيىمداستىرۋىمەن «بەلسەندى قوعام – بەرىك بولاشاق» اتتى اقتوبە وبلىسىنىڭ XII ازاماتتىق فورۋمى جوعارى دەڭگەيدە ءوتتى. فورۋم «وبلىستاعى ازاماتتىق باستامالاردى قولداۋ جانە دامىتۋ» گرانتى اياسىندا ۇيىمداستىرىلىپ، ءوڭىردىڭ قوعامدىق-ساياسي ومىرىندەگى ماڭىزدى وقيعاعا اينالدى.
فورۋمنىڭ باستى ماقساتى – ازاماتتىق قوعامدى دامىتۋدىڭ وزەكتى ماسەلەلەرىن تالقىلاۋ، مەملەكەتتىك ورگاندار مەن ۇەۇ اراسىنداعى سەرىكتەستىكتى نىعايتۋ، ۇزدىك تاجىريبەلەرمەن الماسۋ جانە ءوڭىردىڭ دامۋىنا سەرپىن بەرەتىن جاڭا باستامالاردى قالىپتاستىرۋ بولدى.
شاراعا قازاقستان رەسپۋبليكاسى مادەنيەت جانە اقپارات مينيسترلىگىنىڭ ازاماتتىق قوعام ىستەرى كوميتەتى توراعاسىنىڭ ورىنباسارى، قازاقستان ازاماتتىق اليانسىنىڭ پرەزيدەنتى، ازاماتتىق باستامالاردى قولداۋ ورتالىعىنىڭ توراعاسى، «قازاقستان حالقىنا» قوعامدىق قورىنىڭ باسقارما ءتورايىمى، سونداي-اق اتىراۋ جانە باتىس قازاقستان وبلىستارىنان كەلگەن دەلەگاتتار، مەملەكەتتىك ورگان باسشىلارى، قالالىق جانە اۋداندىق ۇەۇ جەتەكشىلەرى، زيالى قاۋىم وكىلدەرى قاتىسىپ، ءوزارا تاجريبە الماسۋ الاڭىنا اينالعان.ۇيىمداستىرۋشىلار بۇنداي تاعىلىمدى كەزدەسۋلەردى ءجيى وتكىزۋدى ماقسات ەتەتىنىن جەتكىزدى.
قوعامدىق سەرىكتەستىك – تۇراقتى دامۋدىڭ نەگىزى
اقتوبە وبلىسىنىڭ XII ازاماتتىق فورۋمى ازاماتتىق قوعام مەن مەملەكەتتىك سەكتور اراسىنداعى ءوزارا سەنىم مەن ارىپتەستىكتى نىعايتۋعا سەرپىن بەردى.فورۋم بارىسىندا قاتىسۋشىلار ناقتى شەشىمدەر ۇسىنىپ، قوعامنىڭ وزەكتى ماسەلەلەرىن شەشۋگە باعىتتالعان جاڭا جوبالار مەن باستامالار كوتەردى. ازاماتتىق قوعام وكىلدەرىنىڭ پىكىرىنشە، مۇنداي كەزدەسۋلەر ءوڭىردىڭ دامۋىنا تىڭ سەرپىن بەرىپ، قوعامداعى الەۋمەتتىك جاۋاپكەرشىلىكتى ارتتىرادى.
اقتوبە وبلىسىنىڭ «ازاماتتىق ورتالىعى» الداعى ۋاقىتتا دا ازاماتتىق باستامالاردى قولداپ، قوعامدىق ۇيىمداردىڭ كاسىبي دامۋىنا جاعداي جاساۋدى جالعاستىرا بەرمەك.
