Biyl jaŋa oqu jylyna 1-synypqa balalardy qabyldau 1 säuır - 1 tamyz aralyǧynda jürgızıledı.
Ötınış beruşı özınıŋ şaǧyn audanyndaǧy bılım beru ūiymyna nemese basqa şaǧyn audanda ornalasqan bılım beru ūiymynda bos oryn bolǧan jaǧdaida elektrondy ükımet portaly arqyly ötınış bere alady.
1-synypqa balalar 6 jastan (osy jyly 6 jasqa tolatyn balalar) qabyldanady. Ol üşın ötınış, tuu turaly kuälık, fotosuret 3h4 - 2 dana, densaulyǧy turaly anyqtama (0/26, 0/63), erekşe bılımdı qajet etetın balalar bolǧan jaǧdaida «Pedagogikalyq- psihologiialyq- medisinalyq keŋesı» qorytyndysy qajet.
Qūjattardy qabyldau tärtıbı:
1. Elektrondy türde (1 jūmys künı)
2. Qūjattardy qabyldau turaly 15 minut ışınde SMS habarlama joldanady.
3. Qūjattardy qabyldau turaly SMS habarlama nemese däleldı bas tartu turaly SMS habarlama joldanady.
Däleldı bas tartu:
1.Qūjattardyŋ tolyq bolmauy;
2.Mektep jobalyq quattylyǧynan oquşylardyŋ asuy
Bılım beru ūiymdaryna qūjattardy ūsynu algoritmı
1. Ata-ana elekrondy sifrlyq qoltaŋba aluy tiıs.
2. Elektrondy ükımet portalyn aşu https://egov.kz.
3. egov.kz portalynda «BILIM» bölımıne kıru.
4. «BILIM» bölımınde «Orta bılım» batyrmasyn taŋdau.
5. «Qūjattardy qabyldau jäne bılım beru ūiymdaryna qabyldau (bastauyş, negızgı orta, jalpy orta)» qyzmetın taŋdau.
6. «Onlain qyzmetke tapsyrys beru» batyrmasyn taŋdau.
7. «Jeke kabinetke» kıru üşın jeke sifrlyq qoltaŋbany paidalanu.
8. Qūjattardy tızımge säikes jükteu (Ötınış, tuu turaly kuälık, 3x4 fotosuret - 2 dana, densaulyq turaly anyqtamalar (0/23,0/63).
9. Qūjattardy jüktegennen keiın elektrondy sifrlyq qoltaŋbamen qol qoiu.
10. Qūjattardy qarastyruǧa qabyldau turaly SMS habarlama alyŋyz.
11. Bır jūmys künı ışınde sızdıŋ jeke kabinetıŋızge nemese ūialy telefonyŋyzǧa oquǧa qabyldau nemese däleldı bas tartu turaly SMS habarlama jıberıledı.
Şymkent qalasy äkımdıgınıŋ baspasöz qyzmetı
