Nūrsūltan Nazarbaev Qazaqstan halqy Assambleiasynyŋ töraǧasy qyzmetınen kettı. Elbasy QHA-ǧa basşylyq etudı Qazaqstannyŋ qazırgı prezidentı Qasym-Jomart Toqaevqa tapsyrdy, dep habarlaidy "Adyrna" ūlttyq portaly.
"Barşaǧa belgılı bolǧandai, 2019 jyly 19 nauryzda saǧat 19-da men Qazaqstan halqyna prezidenttıŋ ökılettıgın toqtatatynymdy jariialadym. Men būny jetkılıktı dep sanap basşylyqty auystyru kerektıgın ūqtym. Sondyqtan bilıktıŋ sabaqtastyǧy turaly būl mäsele 2019 jyly şeşılgen edı. Qazırgı ömır būl qadamnyŋ dūrystyǧyn rastady", dedı Nazarbaev.Bügın būl taŋdaudyŋ dūrys ekendıgı rastaldy.
"Men ärı qarai jürgım keledı, būl men üşın maŋyzdy qadam. Men Assambleianyŋ bastauynda tūrdym. Assambleianyŋ barlyq müşelerıne qoldau körsetkenderı üşın raqmet. Būl maŋyzdy ıs boldy. Bıraq, özderıŋız bıletındei, menıŋ ömır boiy QHA-ny basqaruǧa qūqyǧym bar. Men ärdaiym onymen bırge bolamyn jäne bas tartpaimyn. Būl rette bırqatar ökılettıkter el Prezidentıne jüktelgen. Iаǧni, barlyq sūraqtar tek bır qolda boluy kerek. Men QHA-ny basqaru qūqyǧymdy Qasym-Jomart Kemelūly Toqaevqa beru turaly şeşım qabyldadym", dedı ol.
"Adyrna" ūlttyq portaly
(foto elbasy.kz)
Ūqsas jaŋalyqtar
