Būl turaly bügın Aqparattyq-kommunikasiialyq ortalyǧynda ötken brifingte Şymkent qalalyq Jolauşylar kölıgı jäne avtomobil joldary basqarmasynyŋ basşysy Erjan Joldasov mälım ettı.
– Osy jyldyŋ aqpan aiynda audan äkımdıkterımen bırlesıp, qala köşelerıne zerdeleu jūmystaryn jürgızdık. Nätijesınde avtomobil joldary salasynda 168 nysandy, iaǧni, 295,3 şaqyrym joldar men köşelerge qūrylys-jöndeu jūmystarynyŋ shemasy daiyndaldy. Iаǧni, 2021 jyly avtokölık joldarynyŋ jaqsy jäne qanaǧattanarlyq jaǧdaidaǧy ülesın 63,6 paiyzǧa jetkızudı josparlap otyrmyz, – dedı E.Joldasov.
Erjan Jaqsylyqūlynyŋ sözınşe, biyl 21,8 şaqyrym magistraldy köşeler jöndeledı. Olar – Respublika daŋǧyly 5,0 şaqyrym, T.Rysqūlov köşesı 4,1 şaqyrym, Ǧ.İliaev köşesı 2,7 şaqyrym, B.Momyşūly köşesı 2,1 şaqyrym, J.Täşenov köşesı 1,7 şaqyrym, J.Şaiahmetov köşesı 1,6 şaqyrym, Aqnazar han köşesı 2,3 şaqyrym jäne Klara-Setkin köşesı 2,3 şaqyrym. Degenmen 2021 jyly jol jöndeu jūmystary barysynda şalǧai audandardaǧy ışkı oramdyq köşelerdıŋ qūrylysyna basymdyq berıledı.
Baspasöz mäjılısınde belgılı bolǧandai, qalada jaiau jürgınşılerdıŋ qauıpsızdıgın qamtamasyz etu maqsatynda proeksiialyq ötkelder ornatu jūmystary jürgızılude. Būl ötkelder pilottyq joba retınde Sypyrǧan Ata köşesı men Äl-Farabi köşesınıŋ qiylysy jäne Temırlan tas jolyndaǧy «Satti zhol» janar-jaǧarmai beketınıŋ maŋyna qoiylǧan. Atalǧan joba aiasynda biyl 15 belsendı jaiau jürgınşıler ötkelı ornatylady.
Sondai-aq, jol keptelısın şeşu maqsatynda 8 köşe qiylysyna (T.Rysqūlov–J.Şaiahmetov-1, J.Şaiahmetov–Arǧynbekov-2, Arǧynbekov–Bäiterekov-1, Sypyrǧan ata–Äl-Farabi-1, Arǧynbekov–Ötegenov-1, Sypyrǧan ata–Temırlan tas joly-1, T.Rysqūlov–Adyrbekov-1, T.Rysqūlov–Qaziev-2) oŋ jaq ötkel salu josparlanǧan.
Aita keteiık, qalada jalpy köşelerdıŋ ūzyndyǧy 3 247,6 şaqyrymdy qūrap otyr. Al aialdama sany – 1 886. Oǧan qosa biyl jaŋadan 256 aialdama ornatylady.
Şymkent qalasynyŋ Aqparattyq-kommunikasiialyq ortalyǧy
Foto – Ernar Mamyr
