Şymkent qalasynda 7400 adamǧa kovidke qarsy vaksina egıldı. Onyŋ ışınde medisina qyzmetkerlerı – 4607, mūǧalımder – 2244, qūqyq qorǧau organynyŋ qyzmetkerlerı – 188, özge toptaǧylar – 361.
Būl jönınde qala äkımı Mūrat Äitenov «Otyrar» telearnasyndaǧy tıkelei efirde ötken «Halyq pen bilık» baǧdarlamasynda habardar ettı. Efir barysynda Şymkenttegı epidahual, koronavirustyŋ yqtimal tolqynyna daiyndyq, därı-därmek qory jaiynda aitty. Sonymen bırge baǧdarlama kezınde habarlasqan, äleumettık jelıge joldaǧan tūrǧyndardyŋ sūraqtaryna jauap berdı.
Şymkentte epidemiologiialyq jaǧdaidyŋ kürdelene tüskenın aitqan qala basşysy tūrǧyndar arasynda maska rejimı men äleumettık qaşyqtyqty qataŋ saqtau boiynşa tüsındıru jūmystaryn küşeitudı jäne qala tūrǧyndaryn adam köp şoǧyrlanǧan jerge barudan bas tartuǧa şaqyrdy.
- Qazır A ssenariiı boiynşa jūmys jürgızılıp jatyr. Būl ssenarii boiynşa 1380 tösek-oryn daiyn. B jäne S ssenariilerı boiynşa 5 myŋ tösek-oryn daiyndalady. Bastapqy medisinalyq-sanitarlyq kömek körsetetın 117 mobildı top jūmys jasauda. Därı-därmek qoryna keler bolsaq, ötken jyly osy koronavirusqa qoldanylatyn därılerge dep 180 mln teŋge bölındı. 15 myŋ adamǧa jetkılıktı därı bar. Biyl taǧy 659 mln teŋge kölemındegı tūraqtandyru qoryna qarjy bölınbek. Osy jūmystar nätijesınde därıhanalardaǧy därı baǧasy 15-30 paiyz tömendedı. 21 KT, 32 rentgenapparat, 615 ÖJJ apparaty bar. Demek, 615 reanimasiialyq orynǧa İVL jetkılıktı. Özderıŋızge belgılı byltyr gaz toltyru stansiiasyn ıske qostyq. Ol arqyly Şymkenttı ǧana emes Türkıstan oblysyna da kömektese alamyz,- dedı şahar basşysy.
Kovidpen auyrǧan nauqastar auruhanada tegın emdeletının, qandai da zaŋsyzdyqtarǧa tap bolsa bıryŋǧai koll-ortalyqqa habar beru kerektıgı jönınde eskerttı.
Därıgerler tapşylyǧy joq pa degen jurnalister saualyna Mūrat Äitenov qaladaǧy medisinalyq kolledjderdıŋ studentterın de rezervke daiyndaǧanyn jetkızdı.
Būdan özge, tūrǧyndar tarapynan qoǧamdyq kölık, jol, infraqūrylym, köşe ataulary sekıldı mäseleler qozǧaldy.
Atap aitqanda, biyl 253 şaqyrym joldyŋ mäselesı şeşıledı. Negızgı basymdyq şalǧai audandar men oramaışılık joldar bolady. Tasymaldy sumen qamtamasyz etılıp jürgen 7 şaǧyn audanǧa sapaly auyz su berıledı.
Qoǧamdyq kölıkterge keler bolsaq, ötken jyly qalaǧa 590 avtobus äkelındı. Alaida gaz beketterınıŋ tolymdyǧyǧa orai tek 150 avtobus baǧyttarǧa bölındı. Biyl mamyr aiynda ekınşı gaz bekıtı ıske qosylsa 200 avtobus baǧyttarda jüretın bolady. Qalǧany tolyǧymen 4 ai ışınde jūmysqa kırısedı.
Sondai-aq, qala äkımı biyl atauy joq köşeler mäselesı de 100 paiyz şeşımın tabatynyn aitty. «Komissiiamen köşe ataulary bekıtıldı, tek taqtaişalardy daiyndap ornatu jūmystary qaldy» dedı.
Baǧdarlamany qorytyndylai kele, äkım Mūrat Äitenov eldegı epidemiologiialyq jaǧdaiǧa bailanysty barynşa üide boluǧa, özımız ben tuystarymyzdy virustan qorǧauǧa şaqyrdy. Ötken jyldaǧy qatelıktı qaita qaitalamai, barynşa saqtanudy jäne virustyŋ taraluyn boldyrmau maqsatynda vaksina saldyrudy ūsyndy.
Şymkent qalasy äkımdıgınıŋ baspasöz qyzmetı
