Tūŋǧyş prezident Nūrsūltan Nazarbaev täuelsızdık alǧannan berı qazaqstandyqtardyŋ tabysy 9 ese öskenın mälımdedı, dep habarlaidy “Adyrna” ūlttyq portaly Sputnik Qazaqstan saityna sılteme jasap.
"Halyqtyŋ tabysy toǧyz ese östı. Ärine, älı de aqşasy jetpeitın, ömırde öz ornyn taba almaǧan adamdar bar. Bıraq tabystyŋ toǧyz ese öskenı būl – fakt. Bız, aǧa buyn mūnyŋ ne ekenın jaqsy tüsınemız jäne qazır qiyn jaǧdaida jürgen adamdardyŋ tabysy köbeigenın qalaimyz", - dedı Nazarbaev QHA-nyŋ 29-şy sessiiasynda.Elbasy Täuelsızdık jyldarynda jan basyna şaqqandaǧy jalpy ışkı önım 13 ese artqanyn atap öttı.
"Mūny aitu oŋai, ärine, bıraq tūtas elge on üş ese ösıru būl – sız ben bızdıŋ ortaq eŋbegımız. JIÖ osy uaqyt aralyǧynda on ese östı. Keŋes odaǧy qūlaǧannan keiın Qazaqstanda ekı millionnan astam adam jūmyssyz qalǧany esımde. Sol kezde halyqtyŋ 47 prosentı kedeilık şegınen de tömen deŋgeide ömır sürdı. Bügınde sol 47 prosent on prosentten de az. Al jūmyssyzdyq üş ese, 4,5 prosentke deiın qysqardy", - dedı Nazarbaev.Elordada Tūŋǧyş prezident, QHA töraǧasy Nūrsūltan Nazarbaevtyŋ qatysuymen Qazaqstan halqy Assambleiasynyŋ XXIX sessiiasy ötıp jatyr. Assambleianyŋ kezektı sessiiasynyŋ kün taqyryby "Bırlıktıŋ, tatulyq pen kelısımnıŋ 30 jyly" dep ataldy.
