Şymkent qalasyndaǧy 186 mektepte 226 679 oquşy bılım aluda. 2020-2021 oqu jylynyŋ IV toqsanynda 22 mektep (8 467 oquşy) ştattyq rejimde, aralas formatta 188 333 oquşy (83,1 %) ata-analardyŋ ötınışı negızınde qaşyqtyqtan 29 745 (13,1%) oqytyluda.
Qala äkımı Mūrat Äitenovke «QR Bılım berudı jäne ǧylymdy damytudyŋ 2020-2025 jyldarǧa arnalǧan memlekettık baǧdarlamasyna» säikes 2021 jyldyŋ I toqsanda atqarylǧan jūmystar boiynşa bılım basqarmasynyŋ basşysy esep berdı.
Oquşylardyŋ 4-toqsandy qorytyndylau boiynşa aityp ötken basqarma basşysy 11-synypty 9 342 oquşy bıtırgelı otyrǧanyn jetkızdı. 4 nauryzdan bastap Ūlttyq bıryŋǧai testıleuge tırkelu alǧaş ret kompiuterlık formatta app.testcenter.kz sıltemesı arqyly jürgızılude. Kompiuterlık formattaǧy ŪBT – ärbır testılenuşı üşın derbes kompiuterdı paidalanu arqyly jürgızıletın testıleu, iaǧni bır kompiuter – bır kamera prinsipı boiynşa. Testıleu«bır kompiuter – bır kamera» prinsipı boiynşa kompiuterlermen jabdyqtalǧan U-STUDY testıleu ortalyǧynda ötedı.
Al, qalada 1-synypqa qūjat qabyldau 1 säuırden bastap, 1 tamyzǧa deiın bolyp belgılengen. Qalalyq bılım basqarmasynyŋ basşysy J.Tajievanyŋ mälımdeuınşe, 2021-2022 oqu jylynda 1-synypqa boljam boiynşa 25 000-ǧa juyq oquşy qabyldau josparlanyp otyr. Qūjatty qabyldauǧa ötınış beru E-gov elektrondy portaly nemese Sakura24.kz saity arqyly jüzege asyrylady. Qazırgı taŋda 2 076 oquşy 1-synypqa qabyldanyp otyr. Onyŋ ışınde 412 bala E-gov elektrondy portaly arqyly, 1664 bala Sakura24.kz saity arqyly qabyldandy. Qaladaǧy üş auysymda bılım beretın, bala syiymdylyǧy 35-40 bolǧan №1, 16, 22, 29, 38, 42, 46, 45, 47, 50,53,54, 55, 58, 59, 65, 69, 72, 75, 77, 78, 81, 83, 88, 92, 94, 95, 103, 104, 115, 116, 120, 122, 130 mektepterde oquşylardy qabyldauǧa şekteu qoiylǧanyn jetkızdı.
Qala äkımı Şymkenttıŋ onlain oqytuda respublikada alǧaşqy orynnan körıngen aita kelıp, basqarma basşysynyŋ jūmysyna oŋ baǧa berdı. Sonymen bırge, jaŋa oqu jylyna paidalanuǧa berıletın mektepterge bılıktı ūstazdardy tartudy tapsyrdy.
FOTO: Bereke SEIITJAPPAR
Şymkent qalasy äkımdıgınıŋ baspasöz qyzmetı
