Ár shańyraqta tatýlyq pen ózara túsinistik bolsyn - Toqaev

605

Memleket basshysy Qasym-Jomart Toqaev otandastaryn Qazaqstan halqynyń birligi kúnimen quttyqtady. Quttyqtaýdyń mátini Aqorda saıtynda jarııalandy.

"Barshańyzdy Qazaqstan halqynyń birligi kúnimen shyn júrekten quttyqtaımyn! Tuńǵysh prezıdentimiz – Elbasy Nursultan Nazarbaevtyń bastamasymen belgilengen bul mereke ǵasyrlar boıy qazaq jerinde berik ornyqqan dostyq pen aýyzbirshilik, ózara qurmet pen senim sııaqty qasterli qundylyqtarǵa negizdelgen", - dedi Toqaev.

Ol Táýelsizdik kezeńinde negizi qalanǵan "áralýandyǵymyz – birlikte" qaǵıdaty Qazaqstannyń san qyrly mádenıeti men dástúrin baǵa jetpes baılyǵymyzǵa aınaldyrǵanyn atap ótti. Yrys-yntymaq pen otanshyldyq rýh ulttyq kodymyzdyń uıytqysy bolyp otyr.

"Halqymyzdyń ádiletti ári damyǵan memleket quryp, elimizdi órkendetý jolyndaǵy múddesi ortaq. Biz qoǵamdaǵy turaqtylyq pen kelisimniń, ózara qoldaý men jasampaz eńbektiń arqasynda kez kelgen qıyndyqty eńserip, kózdegen maqsatymyzǵa jetemiz. Sizderge zor densaýlyq, baq-bereke tileımin! Ár shańyraqta tatýlyq pen ózara túsinistik bolsyn!", - dep túıindedi memleket basshysy.

Qazaqstan halqynyń birligi kúni 1996 jyldan bastap 1 mamyrda atalyp ótip keledi.

Pikirler
Redakııa tańdaýy