Qyrǵyzstan men Tájikstan shekarasyndaǵy qaqtyǵysta qaıtys bolǵandar sany 13 adamǵa jetti. Bul týraly Qyrǵyzstan Densaýlyq saqtaý mınıstrligi aıtty, dep habarlaıdy «Adyrna» ulttyq portaly Orda.kz saıtyna silteme jasap.
Qaqtyǵys saldarynan barlyǵy 134 adam zardap shekken. Olardyń 25-in 30 sáýirge qaraǵan túni arnaıy ushaqpen Bishkekke apardy. Eki adam óte aýyr jaǵdaıda jatyr. Qalǵandarynyń jaǵdaıy turaqty.
Buǵan deıin úsh adamnyń qaza tapqany týraly aıtylǵan bolatyn. Densaýlyq saqtaý mınıstrliginiń habarlaýynsha, olardyń arasynda 13 jastaǵy qyz bala bolǵan. Ol aýrýhanaǵa bara jatqan jolda ómirden ótken.
"Adyrna" ulttyq portaly
