Shymkent qalasy ákiminiń birinshi orynbasary Shyńǵys Muqannyń tóraǵalyǵymen Shymkent qalasy ákimi janyndaǵy áıelder isteri jáne otbasylyq-demografııalyq saıasat jónindegi komıssııanyń onlaın otyrysy ótti. Oǵan quzyrly memlekettik organdar basshylary jáne jergilikti úkimettik emes uıymdar jetekshileri qatysty.
Onlaın-keńes barysynda «Qazaqstan Respýblıkasyndaǵy 2030 jylǵa deıingi otbasylyq jáne genderlik saıasat tujyrymdamasyn» iske asyrý boıynsha birqatar máseleler qarastyryldy. Onyń ishinde, bekitilgen josparǵa sáıkes áıelderdi zorlyq-zombylyqtan qorǵaý baǵytyndaǵy ýchaskelik ınspektorlardyń jumysy, erli-zaıyptylardyń ajyrasý kórsetkishi men dınamıkasy, daǵdarys ortalyǵyndaǵy azamattardyń jaǵdaıy men qoǵamdyq uıymdarmen memlekettik tapsyrys aıasynda atqarylyp jatqan jumystary týraly qalalyq jumyspen qamtý jáne áleýmettik qorǵaý, Ishki saıasat jáne jastar isteri jónindegi basqarmalary, Qarataý aýdany ákimi orynbasarynyń jáne Jergilikti polıııa departamenti basshylarynyń esepteri tyńdaldy.
Sondaı-aq, otbasynda zorlyq-zombylyq kórgen áıelderdiń quqyqtaryn qorǵaý sııaqty mańyzdy máselelerdiń sebepteri men sheshý joldary qarastyryldy.
Jıyn sońynda Shymkent qalasynyń ákimi janyndaǵy áıelder isteri jáne otbasylyq-demografııalyq saıasat jónindegi Óńirlik komıssııa tarapynan tıisti jumystardy júrgizý boıynsha birqatar tıisti organdarǵa usynystar berildi.
Shymkent qalasy ákimdiginiń baspasóz qyzmeti
