Nurtas Adambaı jaýapty organdarǵa shúılikti: Han qasynda jerlengen qarasha kim?

7735
Adyrna.kz Telegram

Belgili prodıýser Nurtas Adambaı Facebook jelisindegi resmı paraqshasynda jaýapty organdarǵa shúılikti. Onyń aıtýynsha, Shyńǵys hannyń úlken uly Joshy han kesenesiniń janynda XXI ǵasyrda ómir súrgen belgisiz bir adamǵa kesene ornalasqan.

«Oń jaqtaǵy kesene Joshy han kesenesinen kem túspeıtindigine qaraǵanda, bul kisi de óte qurmetti adam bolǵan shyǵar.

Biraq qazirgi zaman talabyna saı jerleý úshin basqa jer ýchaskesin tabý múmkin bolmady ma? Osydan júzdegen shaqyrym jerde bos jatqan dala bar, biraq bireý ata-babasynyń rýhyn Altyn Orda bıleýshisiniń rýhyna jaqyndatýǵa sheshim qabyldaǵan ba?

Jaýapty tulǵalar men organdar qaıda qaraıdy? Meniń bilýimshe, tarıhı eskertkishterdiń janyna eshteńe salýǵa bolmaıdy.

Biz óz tarıhymyzdy baǵalaý qajettiligi týraly jıi aıtamyz. Biraq dál osyndaı oqıǵalar bizdiń tek sóz júzinde aıtyp úırengenimizdi dáleldeıdi. Mádenıet mınıstrligi men IIM osy jaǵdaıǵa nazar aýdarady dep úmittenemin»,-dedi ol.

«Adyrna» ulttyq portaly

Pikirler