Máskeýdegi AQSh elshiligi vıza berýdi toqtatyp, konsýldyq qyzmetterdiń tizimin qysqartady, dep habarlaıdy "Adyrna" ulttyq portaly.
Dıplomatııalyq mıssııa 12 mamyrdan bastap elshilik tek amerıkandyqtar úshin jumys isteı bastaıtynyn aıtty. Bul rette jedel ımmıgraııalyq vızalardyń shekteýli sany ǵana olardyń merzimi aıaqtalǵan jaǵdaıda, sondaı-aq ómirge nemese ólimge qaýip tóngen jaǵdaılarda ǵana beriledi.
Basqa elderdiń azamattaryna konsýldyq qyzmetter kórsetilmeıdi: reseılikter ımmıgraııalyq emes jáne dıplomatııalyq emes sıpattaǵy vıza berýdi de toqtatady. Erekshelik - shuǵyl jaǵdaılarda ǵana. Sonymen qatar, jaqyn arada Máskeýdegi elshilik qarapaıym notarıattyq qyzmetpen aınalyspaıdy, týý týraly qujattardy shetelde bermeıdi nemese tólqujatyn jańartpaıdy.
"Elshiliktiń habarlaýynsha, bul ózgerister Reseı bıliginiń dıplomatııalyq mıssııaǵa amerıkalyq emes azamattardy jaldaýǵa tyıym salý týraly sheshimimen baılanysty. Reseı úkimetiniń mundaı shekteýleri dıplomatııalyq ókildikti óz qyzmetkerlerin 75 paıyzǵa qysqartýǵa májbúr etti", delingen habarlamada.
Sonymen qosa, dıplomattar amerıkalyqtarǵa shuǵyl kómek kórsetý dıplomatııalyq mıssııa qyzmetkerleriniń qala syrtyna shyǵýyna shekteýlerge baılanysty keıinge qaldyrylýy múmkin ekenin atap ótti. Reseıde júrgen, vızasynyń merzimi bitken AQSh azamattaryna 15 maýsymǵa deıin elden ketýge qatań keńes berildi.
"Adyrna" ulttyq portaly
(foto ashyq derekkózden)
