Qytaı saıasaty: Shyńjańdaǵy kóne meshit qonaq úıge aınaldy

5981
Adyrna.kz Telegram

Qytaıdyń Shyńjań aımaǵyndaǵy kóne meshittiń biri meıramhana men qonaq úıge aınalǵan. Bul týraly RFA agenttigi jazdy. Qulja qalasyndaǵy meshitti birneshe jyl buryn Shyńjań bıligi Beıjińdik kásipkerge jalǵa bergen. Kásipker meshitti qonaq úı men meıramhanaǵa aınaldyryp jibergen. 

Facebook pen Twitter áleýmettik jelisine uıǵyr halqynyń ókilderi atalmysh meshitte túsirilgen vıdeony jarııalaǵan. Onda uıǵyr ultynyń bıshileri bı bılep, qonaqtar sájdege jyǵylatyn jerde shaı iship otyrǵanyn kórýge bolady. RFA agenttiginiń zertteýi boıynsha meshitti Beıjińdik kásipker 2019 jyly jalǵa alyp, ony týrısterge arnap meıramhana men qonaq úı kesheni bar ortalyqqa aınaldyrǵan. Ghulja Daily aqparattyń agenttiginiń málimetine saı, qonaq úı 2020 jyldan bastap jumys istep jatqanyn bilýge bolady. Ol qytaılyq Gu Ying týrıstik kompanııasyna tıesili kórinedi.  Kompanııanyń saıtynda burynǵy meshittiń qazirgi sıpaty jazylǵan. Onda 9 demalys bólmesi, saltanat saraıy men meıramhana bar ekeni jazylǵan. Burynǵy meshittiń qazirgi kórinisi tómendegideı:

Qytaı bıligi birneshe jyl qatarynan Shyńjań aımaǵynda saıası qýdalaý ádisterin qoldanyp keledi. Arnaıy lagerlerge az ulttardy qamap, májbúrli túrde ıdeologııalyq sabaqtar ótýde. Onyń ishinde qazaq, uıǵyr jáne ózge ult ókilderi de bar. Qytaıdyń bul saıasatyn qatań aıyptaǵan Batys Beıjińge sankııa salýdy jalǵastyrýda.

Ashat QASENǴALI,

"Adyrna" ulttyq portaly

 

Pikirler