Bügın «Alatau» dästürlı öner teatrynda 1-mausym Halyqaralyq Balalar künıne arnalǧan «Balalarǧa külkı syilaimyz!» atty ıs-şara ötıp, teatrdyŋ kinozalynda multiplikasiialyq filmnıŋ qaiyrymdylyq körsetılımı boldy.
Almaty qalasy respublikalyq Dostyq üiı jūmysyn qamtamasyz etu qyzmetı, «Alatau» dästürlı öner teatry, Almaty qalasy respublikalyq etnomädeni bırlestıkterı ūiymdastyrǧan ıs-şaraǧa QHA töraǧasynyŋ orynbasary Hamedov A.M., QHA müşelerı, respublikalyq etnomädeni bırlestıkterdıŋ jetekşılerı men müşelerı, EMB jastary, «Ümıt» balalar üiınıŋ tärbielenuşılerı, №9 mamandandyrylǧan (tüzetu) mektep-internatynyŋ tärbielenuşılerı, psihonevrologiialyq aurularǧa şaldyqqan mügedek balalardy beiımdeu ortalyǧynyŋ büldırşınderı, «Saliqaly ūrpaq» pansionatynyŋ tärbielenuşılerı, respublikalyq etnomädeni bırlestıkterdıŋ balalary qatysty.
Teatrymyzda ötkızıletın qaiyrymdylyq körsetılımderge ünemı qoldau bıldıretın «Qazaqstandyq dūnǧan qoǧamy» qoǧamdyq bırlestıgı būl jolǧy ıs-şaraǧa da belsendı qatysyp, demeuşılık körsettı. Atalǧan bırlestık töraǧasy Abubakir Vaisyrovich balalardy merkelerımen qūttyqtai otyryp, aldaǧy uaqytta da qaiyrymdylyq şaralarǧa at salysuǧa niettı ekendıkterın bıldırdı. Öz kezegınde teatrymyzdyŋ direktory m. a. Maqsat Maratbekūly da merekemen büldırşınderdı jäne ata-analardy qūttyqtap, ıs-şaraǧa qoldau bıldıruşılerge arnaiy alǧys hattar tabys ettı.
Balalarǧa köterıŋkı köŋıl-küi syilau maqsatynda tosyn syilar men tättıler taratylyp, «Köŋıldı meken – balalyq» atty asfalt betıne salynǧan suretter saiysy ūiymdastyryldy.
Alataudyŋ bauraiynda, äsem Almatyǧa erkelei ornalasqan öner ordasynyŋ aldyndaǧy keŋ alaŋ, taza aua, tūma tabiǧat merekelık ıs-şaranyŋ joǧary deŋgeide ötuıne septıgın tigızdı. Al, qyzyqty baǧdarlamaǧa qūrylǧan konsert körıp, asfalt betıne suret salǧan, tosyn syilar men tättıler alǧan balalardyŋ jüzınen quanyş lebı esıp tūrdy.
Mümkındıgı şekteulı jandarǧa, balalar men qarttarǧa arnap ünemı qaiyrymdylyq körsetılımder ūiymdastyratyn teatr üjymy bügın taǧy bır ıstıŋ basyn qaiyrdy. Osyndai köŋıldı ösırıp, jürekke jylu ūialatatyn şaralar aldaǧy uaqytta da jalǧasyn tabatynyna senımımız mol.
Möldır BEKJAN
