Túrkııanyń joıqyn qupııa qarýlary belgili boldy

6460
Adyrna.kz Telegram

Izraıl 1990 jyldary “Harpy” atty dron kamıkadzeler óndirýdi qolǵa alǵan. Qarapaıym motormen jumys isteıtin, óte shaǵyn, PVO-lardyń radaryna túsý múmkindigi tómen drondar.

Munyń tarıhy tereńde. Arab elderimen soǵysta AQSh Izraılge PVO radarlaryn jańalystyrý úshin, ornalasqan orynyn tabý maqsatynda shaǵyn drondar beredi. Bul drondar ortalyqqa aqparat, sıgnal beretin maqsatta qoldanylady. Arabtarmen soǵysta evreıler osy drondardyń kómegimen jaýdyń PVO-sy ornalasqan núkteni anyqtap, artynan dál sol jerdi raketamen bombalap, sanaýly kúnde arabtardyń tutas áýe qorǵanys júıesin joıyp jibergen.

Osy soǵystan sabaq alǵan evreıler drondardy jetildirip “Harpy” dron kamıkadzelerdi 1990 jyldardan bastap óndire bastaıdy. Bul drondar jaýdyń tóbesinde saǵattap ushyp, kórinbeı, vıdeoǵa túsirip, barlyq aqparatty ortalyqqa jiberip, komanda berilgen nysanaǵa dáldep ushyp, dushpannyń mıllıondaǵan dollar turatyn PVO-syn joıýǵa arnalǵan. PVO-syn qıratyp artynan ushaq, raketamen qalaǵanynsha bombalaı beredi.

2008 jyldary evreıler “Harpy” dronyn jetildirip “Harop” atty zamanaýı dron jasap shyǵardy. Qarabaq soǵysynda osy drondar iske jarady. Jaýdyń PVO-sy “Harop” kamıkadze drondary tóbisine kelip jarylǵannan 3 sekýnd buryn ǵana kóre alǵan. Qarsy áreket qoldanýǵa bul tym az ýaqyt.

 

Qazir Túrkııanyń dál osyndaı kamıkadze dronyndaryn óndirý úshin “Kargi” atty kóp málimetteri qupııa sanalatyn jobasy bar. Maqsattary “Harop” dronynan da myqty, jyldam ári uzaqqa ushatyn kamıkadze dronynyń jańa túrin óndirý.

Baıqasańyz eldi qorǵaýdyń sharttary ózgerip barady. Atpen shaýyp qorǵamaıdy. Adam alystan otyryp, drondy basqaryp, tóbeńnen aınalyp ushyp, bar qupııańdy alyp, qajet dep tapqan ýaqytynda qalaǵan jerińdi bombalaıdy.

Jasandy ıntellektpen jaraqtalǵan bul drondar zamanaýı qarý sanalady. Myńdaǵan kılometrge ushyp baryp, tekserip, ushqan jerine qaıta keledi. Jar deseń baryp jarady. Elge qyzmet etetin tekti, minezdi, rýhy myqty drondar ǵoı. Osyǵan umtylý kerek.

 

Baýyrjan SERIKBAEV, 

"Adyrna" ulttyq portaly

Pikirler