Mäjılıstıŋ plenarlyq otyrysynda prezidenttık saiasi reformalar paketterın jüzege asyru boiynşa negızgı zaŋ jobalary qaraldy. Atap aitqanda, Mäjılıs deputattary «Qazaqstan Respublikasyndaǧy sailau turaly» Qazaqstan Respublikasynyŋ Konstitusiialyq zaŋyna özgerıster men tolyqtyrular engızu turaly» Konstitusiialyq zaŋ jobasyn jäne «Qazaqstan Respublikasynyŋ keibır zaŋnamalyq aktılerıne sailau mäselelerı boiynşa özgerıster men tolyqtyrular engızu turaly» ılespe zaŋ jobasyn bırınşı oqylymda qabyldaǧan bolatyn.
Būdan bölek, 13 säuırde, Mäjılıstıŋ Zaŋnama jäne sot-qūqyqtyq reforma komitetınde atalǧan zaŋ jobalarynyŋ tanystyrylymy öttı. Odan keiın būl qūjattar boiynşa jūmys tobynyŋ 12 otyrysy ötkızıldı. Zaŋ jobalaryn talqylauǧa Ūlttyq qoǧamdyq senım keŋesınıŋ müşelerı Marat Şibutov, Raqym Oşaqbaev, Andrei Chebotariov, Marat Başimov, Eldar Jumagaziev jäne basqa azamattar qatysty.
Osy aitylǧan qūjattar auyl äkımderın tıkelei sailau, saiasi partiialardyŋ Mäjılıske ötuı üşın belgılengen şektı baǧamdy 7-den 5 paiyzǧa deiın tömendetu jäne barlyq deŋgeidegı sailau biulletenderıne «barşaǧa qarsy» baǧanyn qosu mäselesıne qatysty qoldanystaǧy zaŋnamaǧa özgerıster engızudı közdeidı.
Osyǧan orai «Qazaqstan Respublikasyndaǧy sailau turaly» Qazaqstan Respublikasynyŋ Konstitusiialyq zaŋyna özgerıster men tolyqtyrular engızu turaly» Konstitusiialyq zaŋ jobasyna säikes auyl äkımderınıŋ sailauyn taǧaiyndau jäne ötkızu, kandidattardy ūsynu jäne tırkeu, kandidattarǧa qoiylatyn talaptar jäne basqa da mäseleler boiynşa qoldanystaǧy zaŋnamaǧa tüzetuler engızu josparlanyp otyr.
Al, «Qazaqstan Respublikasynyŋ keibır zaŋnamalyq aktılerıne sailau mäselelerı boiynşa özerıster men tolyqtyrular engızu turaly» zaŋ jobasynda «Qazaqstan Respublikasyndaǧy jergılıktı memlekettık basqaru jäne özın-özı basqaru turaly», «Qazaqstan Respublikasynyŋ memlekettık qyzmetı turaly», «Saiasi partiialar turaly» zaŋdarǧa jaŋa normalar engızu közdelgen.Osy özgerıster men tolyqtyrular qoldanystaǧy zaŋnamaǧa engızılgennen keiın auyl äkımderın tıkelei sailaudyŋ jalpyǧa ortaq tärtıbı belgılenedı. Jalpy, 4 jyl ışınde 2 345 äkımdı, sonyŋ ışınde 2021 jyly 836 äkımdı sailau josparlanyp otyr. Būl normalardyŋ qabyldanuy saiasi bäsekenı damytuǧa jäne azamattardyŋ saiasi belsendılıgın arttyruǧa septıgın tigızedı.
Erlan QARİN,
QR Prezidentınıŋ kömekşısı, saiasattanuşy
