Prezident tapsyrmasy: Sport jäne balalardyŋ şyǧarmaşylyq äleuetın qoldau boiynşa qandai ıs-şaralar ıske asty

Memleket basşysynyŋ baspasöz hatşysy Berık Uäli Feisbuk paraqşasynda Qasym-Jomart Toqaevtyŋ 2020 jyly Joldauynda sport jäne balalardyŋ şyǧarmaşylyq jetıldıru üşın ūiırmeler qaita aşu turaly tapsyrmasy oryndalǧanyn jazdy, dep habarlaidy «Adyrna» ūlttyq portaly Strategy2050.kz-ke sılteme jasap. Sportpen ainalysatyndar sany 6 mln-ǧa juyqtady Memleket basşysy Qasym-Jomart Toqaev 2020 jyly joldaǧan joldauynda būqaralyq sportqa, dene tärbiesıne jäne balalarǧa basymdyq beru keregın, sonymen qosa, är oblysta, ırı audan ortalyqtarynda sport üiırmelerın aşu qajettıgın aitqan bolatyn. Dene şynyqtyru pen būqaralyq sportty damytu jönınde 2020-2025 jyldarǧa arnalǧan keşendı jospar qabyldandy Dene şynyqtyrumen jäne sportpen jüielı türde ainalysatyndar sany 5,9 mln adamǧa jettı, onyŋ 560 908-ı – balalar men jasöspırımder. 127 703 sport seksiiasy, balalar men jasöspırımderge arnalǧan 477 sport mektebı, sondai-aq balalar men jasöspırımderdıŋ 686 dene şynyqtyru kluby jūmys ısteidı. Balalar men jasöspırımder dene şynyqtyru klubtary men därıgerlık-dene şynyqtyru dispanserlerınıŋ jelısı keŋeitıldı. Bılım berudıŋ barlyq deŋgeiınde dene tärbiesı sabaqtarynda ūlttyq sport türlerı boiynşa mındettı komonentter engızıldı. Ärbır auyldyq okrug üşın sport jönındegı 3 000 nūsqauşy belgılendı. Memlekettık qoldaudyŋ jaŋa instituty engızıldı Sonymen qosa, prezident öz Joldauynda «Balalar üiırmesı» qyzmetın qaita qalpyna keltırgen jön. Onda jastarymyz qolönerdıŋ jäne şyǧarmaşylyqtyŋ bastapqy negızderımen tanysar edı» dep te aitqan bolatyn. Osy baǧytta da şaralar qolǧa alynyp, jüzege asqan. Memlekettık şyǧarmaşylyq jäne sporttyq tapsyrysty ıske asyru arqyly balalar men jasöspırımderdıŋ şyǧarmaşylyq jäne sporttyq äleuetın arttyru üşın memlekettık qoldaudyŋ jaŋa instituty engızıldı. 2021 jyldyŋ 1 mamyrynan bastap memlekettık şyǧarmaşylyq jäne sporttyq tapsyrys jüzege asyrylady. 2021 jyly jergılıktı atqaruşy organdar tarapynan memlekettık şyǧarmaşylyq tapsyrysty ıske asyruǧa 2,4 mlrd teŋge sporttyq tapsyrysty ıske asyruǧa 3,7 mlrd teŋge bölu közdelgen. 2021 jyly respublika boiynşa, jan basyna şaqqanda 23,5 myŋ şyǧarmaşylyq üiırme jäne 1029 sport seksiiasy qarjylandyrylady. Onda şamamen 43,3 myŋ bala sportpen jäne şyǧarmaşylyqpen tegın ainalysatyn bolady (şyǧarmaşylyq üiırmelerde – 23,5 myŋ bala, sport seksiialarynda – 21 548 bala).