Reseilık saiasatkerler Qazaqstannyŋ aumaqtyq tūtastyǧy turaly arandatuşylyq mälımdemeler jasai otyryp özderıne nazar audaruǧa tyrysyp jatyr. Reseidıŋ Qazaqstanǧa qatysty saiasatyn anyqtaityndar mūndai sözdı eşqaşan aitpaǧan, aitpaidy da. Būl turaly Resei SIM basşysy Sergei Lavrov mälımdedı, - dep habarlaidy Tengrinews.kz saity "Habar" agenttıgıne sılteme jasap.
Būl turaly Lavrov Resei saiasatkerlerınıŋ Qazaqstanǧa qatysty dauly mälımdemelerıne pıkır bıldırgende aitty.
"Saiasatkerler öz karerasyn ärtürlı jolmen qūrady. Sensasiia ızdeitın saiasatkerler bar. Öte dauly bolyp körınetın sūraqtardy qozǧasa, jūmsaq aitsam, olardy ūmytyp ketpeuı üşın adamdardyŋ nazary auady dep oilaityn saiasatkerler de bar. Bızde qalai aitatynyn bılesız be: "Jaqsy ma, jaman ba maŋyzdy emes, eŋ bastysy - sen turaly gazetterde jazsa bolǧany". Mümkın osydan şyǧar. Bıraq Resei Federasiiasynyŋ Qazaqstanǧa qatysty saiasatyn aiqyndaityn tūlǧalardan eşqandai mälımdemeler, bızdıŋ odaqtastyǧymyzdy qalai damytatynymyz turaly uaǧdalastyqtardyŋ kez kelgenıne osy tūlǧalardan qandai da bır kümän keltıretın eşqandai mälımdemeler eşqaşan aitylmady, aitylmaidy da. Būl kelısımder bır-bırımızdıŋ egemendıgımızdı, aumaqtyq tūtastyǧymyzdy, saiasi täuelsızdıgımızdı tolyq qūrmetteitınımızdıŋ belgısı. Bız memleket basşylary kelısken jäne qol qoiǧan, parlamentter maqūldaǧan jäne zaŋ sanalatyn, halyqaralyq qūqyqtyŋ bölıgı bolyp tabylatyn qūjattar negızınde odaqtastyq qatynastardy damytamyz", - dedı Lavrov.
"Eŋ bastysy, halyqtarymyz arasyndaǧy qalypty qarym-qatynasty nyǧaitpaityn mälımdemeler pıkırtalas klubtarynda qaluy tiıs", - dep tüsındırdı ol.Būǧan deiın Resei Memlekettık Dumasynyŋ Bılım jäne ǧylym komitetınıŋ töraǧasy Viacheslav Nikonov "Bırınşı arnadaǧy" "Bolşaia igra" baǧdarlamasynda "Qazaqstan bolǧan joq, Soltüstık Qazaqstan mülde qonystanbaǧan. Olar (qazaqtar. - Eskert.) äldeqaida oŋtüstıkte bolǧan. Jäne, şyn mänınde, Qazaqstan aumaǧy - būl Resei men Keŋes Odaǧynyŋ ülken syiy" dep mälımdegen. Qazaqstanda reseilık deputattyŋ mälımdemesı ülken qoǧamdyq rezonans tudyrdy. Nikonovtyŋ özı dauly sözıne tüsınıkteme berdı.
"Qazaqstan Respublikasynyŋ şekarasyna ainalǧan Qazaq KSR şekaralaryn aiqyndau kezınde Qazaqstannyŋ müddelerı tolyq kölemde saqtaldy dep oilaimyn. Būl turaly "Bolşaia igra" baǧdarlamasynda osyny aitpaq boldym. Osy mümkındıktı paidalanyp, bauyrlas Qazaqstan halqyna degen eŋ jyly sezımderımdı taǧy da bıldıremın", - dep jazdy Nikonov Telegram-kanalynda.
