I. Omarov atyndaǧy oblystyq qazaq drama teatrynda Täuelsızdıktıŋ 30 jyldyq mereitoiy qarsaŋynda jazuşy-dramaturg Qalihan Ysqaq pen Şahimarden Qūsaiynovtyŋ «Qazaqtar» atty tarihi dramasynyŋ premerasy öttı. Qoiuşy-rejisserı – Qazaqstannyŋ Halyq artisı, Memlekettık syilyqtyŋ laureaty Tūŋǧyşbai Jamanqūlov.
Aita keteiık, soŋǧy jaǧdailarǧa bailanysty teatrǧa keluşıler «Aşyq» qosymşasy arqyly ǧana kırgızıldı. Tūrǧyndar baǧdarlamanyŋ yŋǧaily, tiımdı ekenın aityp jatty.
Sonymen, qoiylym bastalmai tūryp, rejisserdı sözge tarttyq. Tūŋǧyşbai Jamanqūlov taŋdaudyŋ nelıkten «Qazaqtarǧa» tüskenın aityp berdı.
«Teatr basşysy, özımnıŋ şäkırtım Älımhan Myrzahan habarlasyp, teatr repertuaryna ūltymyzdyŋ tarihy, memlekettılıktıŋ bastau alǧan kezeŋderı sipattalatyn, ata-babamyzdyŋ dästürı men tūrmysyn baiandaityn qoiylym engızsek degen ūsynysyn jetkızdı. Sol sätte oiyma bırden Qalihan Ysqaq pen Şahimardan Qūsaiynov jazǧan «Qazaqtar» pesasy tüstı. Men kezınde būl şyǧarmany özım tapsyrys berıp jazdyryp edım. Sondyqtan qostanailyq körermennıŋ nazaryna da ūsynaiyn dep şeştım. Jyl basynan berı daiyndyq jūmystarynda boldyq. Kele almaǧan sätterde telefon arqyly habarlasyp otyrdyq. Men kelgenşe truppa pesanyŋ sözderın jattap, dekorasiiany äzırlep qoiǧan eken. Sol sebeptı bız bırden sahnalyq jūmystarǧa kırısıp kettık», - deidı halyq ärtısı.Şyǧarma jelısınde Kerei men Jänıbek sūltandardyŋ Qazaq handyǧyn qūruy, handyq qūru barysynda kezdesken qiyndyqtar, Qasym sūltannyŋ qaiyspas qaisarlyǧy şeber suretteledı. Drama jelısınde Özbek hany Mūhamed Şaibanimen ekı arada bolǧan jer bölısu, memlekettık qūrylymdardy talqyǧa salyp, iemdenu siiaqty jäne basqa da mäselelerdegı özara kelıspeuşılıkter men qaişylyqtar qoiylymǧa arqau bolady. Özbek hannyŋ qūramynan bölınıp şyqqan Şaibani ūrpaqtary bilık tızgının eşkımge bergısı kelmeidı. Kerei han men Mūhammad Şaibani arasyndaǧy tartys şyǧarmanyŋ negızgı arqauy.
Kerei hannyŋ negızgı maqsaty – ūlt bolyp ūiysu, jūrt bolu.Sahnada jarqyrai körıngen beinenıŋ bırı – Qasym sūltan. Ärbır sözı kesektı, oiy myǧym, ruhy küştı Qasym sūltan keiınnen Qazaq handyǧynyŋ hany bolyp sailanady. Sahnadaǧy ärbır keiıpker özınşe erekşelendı. Moiynsyz, Qoigeldı, Toigeldı, Molda, Ana, Nagira hanum, Mihr hanum, Şolpan, Gülbahor, Duana sarbaz erekşelendı. Şyǧarmanyŋ şaryqtau şegınde Şaibaniler bilıktı diplomatiialyq tartyspen almaqşy bolady. Alaida Qasym han Şaibanilerge qarsy tabandy küres jürgızedı. Han taǧynda otyryp Qasym han özınıŋ qalyŋ äskerıne Şaibaniler ūrpaqtaryna özınıŋ Qazaq handyǧynyŋ hany bolǧandyǧyn jetkızudı būiyrady. Ejelgı Tūran dalasyn mäŋgıge Qazaqtyŋ enşısıne qaldyratynyn jetkızedı. Qasym han taqqa otyryp, özınıŋ Qasqa jolyna qara halyqty şaqyrumen pesa tüiındeledı. Qazaq handyǧynynyŋ tarihynda «Qasqa joldy Qasym hannyŋ» däuırı bastalady.
