Türıkmenstandaǧy türmelerde naǧyz aştyq bastaldy. Turkmen.news aqparat közderınıŋ habarlauynşa, tūtqyndar tamaq jetıspeuşılıgınen jäne türlı aurulardan ölıp jatyr, dep habarlaidy «Adyrna» ūlttyq portaly.
«Koloniialardaǧy dükender bos, al ashanalardaǧy tamaq ylǧi jetkılıksız boldy. Ūlym tamaq pen medisinalyq kömektıŋ joqtyǧyn aitty. Adamdar ölıp jatyr. Aqşa jıbereiın degenımde ol dükende eşteŋe joq, «ol aqşaǧa ne satyp alamyn?» dep jauap berdı», - dedı tūtqynnyŋ anasy.Gazet atap ötkendei, Seidi qalasyndaǧy Lebap velaiatynyŋ LB-K/11 jäne LB-K/12 koloniialarynda bırneşe kün boiy nan bolmaidy. Tūtqyndarǧa tamaqty tuystary äkelıp bere alady. Bıraq 2020 jyldyŋ nauryz aiynan bastap COVID-19 epidemiiasyna bailanysty olarǧa tamaq äkeluge de tyiym salyndy. 2021 jyldyŋ säuırınen bastap tūtqyndardyŋ tuystaryna aiyptaluşylarǧa tamaq äkeluge rūqsat berıldı. Alaida aimaqtar arasyndaǧy qozǧalys älı tolyq aşylmaǧandyqtan, olardyŋ koloniialarǧa jetuı qiyn bolyp jatyr. Nauryz aiynyŋ soŋynda LB-K/12 koloniiasynda esırtkı satumen ainalysqan Türkiia azamaty Ozgur Kuchchukai qaitys boldy. Onyŋ denesı otanyna «Türkmen äue joldarynyŋ» charterlık reisımen jetkızıldı. Resmi mälımetterge säikes ol qaterlı ısıktıŋ saldarynan ömırden öttı. Alaida tūtqynnyŋ tuystary mūnymen kelıspeidı. Olardyŋ aituynşa, Kuchchukai tuberkulezdıŋ asqynǧan türımen auyrǧan jäne tiıstı em almaǧan. Tuystary tergeudı talap etıp, Türkımenstandaǧy Türkiia elşılıgımen bailanysqa şyqty. Sonymen qatar 2020 jyldyŋ qaraşasynda Bairamali qalasy, MR-K/16 koloniiasyndaǧy tūtqyndarǧa küzetşılerdıŋ tamaq satqany belgılı boldy. Būryn aiyptaluşylar küzetşılerden tyiym salynǧan zattardy ǧana satyp alatyn (mysaly alkogol). Aita keteiık, COVID-19 epidemiiasy Türkımenstandaǧy ekonomikalyq jäne azyq-tülık daǧdarysyn küşeittı. Ükımet belgılegen baǧalar da ösıp jatyr. Degenmen olar älı künge deiın naryqtyq baǧadan edäuır tömen. Alaida sonyŋ özı adamdardy saǧattap kezekke tūruǧa mäjbür etedı.
"Adyrna" ūlttyq portaly
