Grýzııa prokýratýrasy 5 mamyrda Tbılısıde sýııd jasaǵan 26 jastaǵy qazaqstandyq arý Asel Aıtpaevanyń zorlanǵany týraly aıtty, dep habarlaıdy "Adyrna" ulttyq portaly.
Tergeý barysynda qyzdy ólimmen qorqytyp zorlaǵandyǵy belgili boldy, deıdi prokýratýra. Bul onyń ózine-ózi qol jumsaýynyń sebebi boldy.
Kúdikti 6 mamyrda qamaýǵa alyndy. Grýzııa Qylmystyq kodeksiniń «Jábirlenýshiniń densaýlyǵyna aýyr zııan keltirý nemese basqa aýyr zardaptarǵa ákep soqtyratyn zorlaý» jáne «Jábirlenýshini qorqytý nemese qatygezdikpen qaraý, onyń abyroıyn júıeli túrde qorlaý arqyly ózin-ózi óltirýge oqtalý nemese qadir-qasıetin qorlaý» isi boıynsha tergeý jumystary bastaldy.
Eger kúdiktiniń kinási dáleldense, onda ol 8 jyldan 10 jylǵa deıin bas bostandyǵynan aıyrylýy múmkin, deıdi prokýrorlar.
Esterińizge sala keteıik, Tbılısıde Asel Aıtpaeva 9-qabattyń terezesinen sekirip ketken. Óler aldynda ol dosyna aýdıo habarlama jiberip úlgerdi, onda er adam oǵan zorlyq-zombylyq kórsetemin dep qorqytqanyn aıtqan daýysyn estýge bolady.
"Adyrna" ulttyq portaly
(foto:instagram assel_ayt)
