Ilon Mask taǵy bir tarıhty jazdy. 1950 jyldary Sergeı Korolev oılap tapqan “Soıýz» raketalaryn tarıhtyń enshisine jiberetin “Starship SN15” zymyrany Tehastan 10 myń metr bıiktikke kóterilip, aman-esen dittegen núktege qaıta qondy.
Álemde “Starship” zymyrany 150 tonnaǵa deıingi júkti, 100-den astam adamdy orbıtaǵa alyp shyǵa alar zamanaýı qýatty raketa sanalady. Osy raketa bolashaqta adamzat balasyn Marsqa jetkizedi dep kútilýde. NASA buǵan deıin jeńil júkterdi orbıtaǵa alyp shyǵý úshin “SpaceX” kompanııasy jasap shyqqan “Falcon 9” zymyrandaryn qoldanyp kelgen edi. Osyndaı uzaq ýaqyt qoldana berýge bolatyn zamanaýı zymyrannyń paıda bolýy “Roskosmosty” tyǵyryqqa tiregeni de belgili.
Endi “Starship” zymyrany testten sátti ótti. Bul aýyr salmaqtaǵy júkterdi tasýǵa arnalǵan, kóp ret qoldanýǵa bolatyn, orbıtaǵa shyǵyp, jerge qaıta qonatyn zamanaýı zymyran. Ǵylymdaǵy tarıhı kún. Iri jetistik.
Qazaqtyń kóp problemasyn qazaqtyń ózi emes, álemdik genııler, ǵylymnyń damýy sheshetinine taǵy bir dálel. Roskosmosqa tapsyrystyń azaıýy ýaqyttyń máselesi. Bul jańalyq bizdiń Otandyq ǵylymdy qamshylaýy tıis. Órkenıet, ǵylym men bilim, adamzattyń damýy bizdiń kóz aldymyzda basqa deńgeıge shyǵyp jatyr.
Baýyrjan SERIKBAEV,
"Adyrna"ulttyq portaly
