Pavlodar qalasyndaǵy 10 qabatty úıden órt shyǵyp, 4 adam qaza tapty. Bul týraly Pavlodar oblysynyń Tótenshe jaǵdaılar departamentiniń baspasóz qyzmeti málimdedi, dep habarlaıdy «Adyrna» tilshisi.
«2021 jyldyń 9 mamyrynda saǵat 21:02-de Pavlodar qalasynyń Kamzın kóshesinen úıden órt shyqqany týraly habar túsken. Belgili bolǵanyndaı, 10 qabatty úıdiń úshinshi qabatyndaǵy páterlerdiń birinen órt shyǵyp, jalyn 56 sharshy metr aýmaqty sharpyǵan. Órt bolǵan jerdi tekserý barysynda 4 adamnyń denesi tabyldy. Páterden 1 áıeldiń janyp ketken denesi, esik aldynda gaz ıisinen ýlanyp jatqan taǵy bir er adam men nárestesi bar áıel adam tabyldy. Oqıǵa ornynda 28 adam men 8 tehnıka jumys istep jatyr", - delingen habarlamada.
«Adyrna» ulttyq portaly
