Gruziiada qaza tapqan qazaqstandyq qyzdyŋ anasy Aisūlu Aitbaeva gruzin jurnalisterge qyzy Äsel Aitbaevanyŋ ölımıne qatysty jaŋa mälımet aitty, dep habarlaidy «Adyrna» ūlttyq portaly Tengrinews.kz saityna sılteme jasap.
Äieldıŋ aituynşa, ol soŋǧy ret Äseldıŋ ölımıne deiın qyzymen ekı saǧat būryn söilesken. Anasynyŋ aituynşa, qyzy odan qonaqqa keluın sūraǧan. Keiın Äsel Aitbaeva qaitys bolǧanyn bılgen soŋ, ol Gruziiaǧa mäiıttı tanu üşın ūşyp barǧan.
«Qiyn kün boldy, balamdy anyqtauǧa bardym. İä, şynymen ol bolyp şyqty. Men bärıbır ony öltırdı degen oidamyn. Audioqoŋyrauǧa süienıp otyrmyn, onda bärı bar. Būl suisid emes. Maǧan Äseldı iterıp jıbergen sättı körşıler videoǧa tüsırıp alǧanyn aitty. Ol adam bolsa, polisiia bölımşesıne barudy sūraimyn. Bügın keşke qyzymnyŋ denesın Qazaqstanǧa alyp ketemın», - dedı Aisūlu Aitbaeva.Ol qyzyn bırneşe er adam öltırdı dep küdıktenetının aitty. Marqūmnyŋ anasy olardyŋ bırı Qazaqstanǧa qaityp ülgergenın atap öttı. Osyǧan bailanysty ol ekı eldıŋ bilıgınen küdıktılerdıŋ bırın Gruziiaǧa deportasiialauǧa kömektesuın sūrady. https://youtu.be/J0FNROdvbTQ Äsel Aitbaevany jerleu räsımı, tuystarynyŋ aituynşa, bürsıgünı Nūr-Sūltan maŋyndaǧy Qabanbai batyr auylynda ötedı. Būǧan deiın Gruziiada 26 jastaǧy qazaqstandyq Äsel Aitbaeva jūmbaq jaǧdaida qaitys bolǧany habarlanǧan edı. Marqūmnyŋ äpkesınıŋ sözınşe, Äsel qaitys bolarynyŋ aldynda qūrbysyna audiohabarlama jıberıp ülgergen. Audioda belgısız er adam oǧan qoqan-loqy körsetıp jatqany estıledı. Keiın Gruziia prokuraturasy qyz qaitys bolǧanǧa deiın zorlanǧanyn mälımdedı. Qylmys jasady degen küdıktı Besik Tordua kelesı künı ūstaldy. Onyŋ kınäsı däleldense, 8 jyldan 10 jylǧa deiın bas bostandyǧynan aiyryluy mümkın. Sonymen qatar gruziialyq BAQ qazaqstandyq qyzdy zorlap, özın-özı öltıruge deiın jetkızgen küdıktınıŋ suretın jariialady. Ol sot bastalǧanǧa deiın qamauǧa alyndy. Is boiynşa aldyn ala tyŋdau 23 mausymda ötedı. BAQ mälımetınşe, qaitys bolǧan qyz Gruziiaǧa säuırde jūmysqa ketken. Aldymen ol Rustavi qalasynda tuystarymen bırge tūrǧan, al ekı apta būryn Tbilisige köşken.
"Adyrna" ūlttyq portaly
