Bügınde Şymkentte jūmyspen qamtu jäne äleumettık qorǧau basqarmasy tarapynan qaladaǧy mümkındıgı şekteulı jandar üşın kedergısız orta qalyptastyruda tiıstı şaralar atqarylyp jatyr. Mügedektıgı bar azamattardyŋ belsendı ömır süru saltyn qalyptastyru maqsatynda invataksi ūiymdastyrylǧan.
Şymkent qalasynda mügedekterge arnalǧan taksi qyzmetı paida bolǧanyna biyl 10 jyl. Joba «Qalalyq mügedekter qoǧamy» bırlestıgınıŋ bastamasymen jüzege asqan. İnvataksi qyzmetın jyl basynan berı 500-den astam azamat qyzmet aluǧa ötınış tapsyrǧan. Künıne 170-180 tapsyrys qabyldanady. Ötınış beruşı 1 kün būryn dispetcherge (8 (7252) 57-70-06) habarlasyp tapsyrys qaldyra alady. İnvataksi qyzmetı tegın.
Bekıtılgen 18 avtokölık arnaiy jyljymaly qūrylǧymen jäne kreslo-arbalardy ornatuǧa arnalǧan qūraldarmen jabdyqtalǧan. Arnaiy kölıktermen azamattar qala ışındegı qalaǧan meken-jaiyna bara alady.
Aita keteiık, bügınde Şymkent qalasynda 37 046 mümkındıgı şekteulı azamat tırkelgen. Onyŋ ışınde: bırınşı top-3324, ekınşı top-14 950, üşınşı top – 12 288. Al 18 jasqa deiıngı 6484 mügedek bala tırkelgen.
Şymkent qalasy äkımdıgınıŋ baspasöz qyzmetı
