Almatyda TikTok-bloger Nūrbek Nūrtaz qaiyrymdylyq jasady. Ol kezdeisoq kezıkken almatylyqtardyŋ nesiesın töledı.
Blogerdıŋ videosy äleumettık jelıde qyzu talqyǧa tüsıp jatyr. Jelı qoldanuşylary videony körgende közderıne jas alǧanyn aituda. Sebebı adamdardyŋ şynaiy sezımı ekrannyŋ ar jaǧynan da baiqalǧan eken.
Nūrbek Nūrtaz adamdardyŋ nesiesın tölep beru ideiasy aiaq asty kelıp, jüzege asqanyn aitty.
«Bız qaiyrymdylyqpen jiı ainalysyp tūramyz, bıraq ony ünemı körsete bermeimız. Kez kelgen adamǧa jaqsylyq jasauymyz mümkın, ol jai köşede ketıp bara jatqan adam, mügedek nemese «jekege» kömek sūrap jazǧan adam boluy mümkın. Eger adam şynymen qinalyp tūrsa, kömektesuge tyrysamyn. Äsırese qasiettı aida nege jasamasqa? Onyŋ üstıne mümkındıgıŋ bolyp tūrsa. Menıŋ būl oiymdy äielım men otbasym qoldady», - deidı ol.Sonymen qatar blogerge qala tūrǧyndarynyŋ köbı senbegen. Aita keteiık, Nūrbek Nūrtaz būl jolǧy qaiyrymdylyqqa bır million teŋgeden asa qarjysyn jūmsap, şamamen on adamǧa qarjylai kömek körsetken. https://youtu.be/jYx0HNk9pkU
"Adyrna" ūlttyq portaly
