108 memlekettık qyzmetşı tärtıptık jauapkerşılıkke tartyldy. Olardyŋ qaramaǧyndaǧy qyzmetkerlerdıŋ sybailas jemqorlyqqa qatysy bolǧan, dep habarlaidy «Adyrna» ūlttyq portaly «Habar 24» arnasyna sılteme jasap.
Memlekettık qyzmetkerlerdıŋ 15-ı otstavkaǧa ketken. Qazır jol kartasynyŋ negızınde maŋyzdy infraqūrylymdyq jobalardy ıske asyru bastaldy. Oǧan biyl şamamen 325 mlrd teŋge bölu josparlanǧan. Sol sebeptı biudjet qarajatynyŋ tiımdı jūmsaluyn baqylau maŋyzdy bolyp tūr.
Būl jönınde Prezident janyndaǧy Sybailas jemqorlyqqa qarsy ıs-qimyl mäselelerı jönındegı komissiianyŋ otyrysynda aityldy. Bır aitarlyǧy, qarjylyq tärtıp saqtala bermeidı. Mäselen, byltyrdyŋ özınde Esep komitetı qūqyq qorǧau organdaryna 72 faktı boiynşa material berıp, sybailas jemqorlyqqa qarsy agenttık 28 qylmystyq jaǧdaidy tırkegen. 23 adam jauapkerşılıkke tartyldy. Prokuratura 331 qadaǧalau aktısın engızdı. 493 adam tärtıptık jauapkerşılıkke, 540 azamat äkımşılık jauapkerşılıkke tartylǧan. Jiynda memlekettık hatşy agenttıktıŋ jaŋa töraǧasynan Prezident tapsyrmasynyŋ oryndalu barysyn sūrady.
«Bızdıŋ komissiiamyzǧa jaŋadan qosylǧan müşenı tanystyra keteiın. QR SJQIQ Agenttıgınıŋ töraǧasy Marat Mūratūly Ahmetjanov komissiia atynan sızdıŋ jauapty qyzmetıŋızge sättılık tıleimız! Marat Mūratūly sızdı taǧaiyndau sätınde Memleket basşysy Qasym-Jomart Kemelūly Toqaev sybailas jemqorlyqqa qarsy ıs-qimyl salasynda aiqyn baǧyttardy belgılep berdı. Onyŋ ışınde äsırese, agenttık qyzmetın qylmystyq prosestıŋ üş buyndy modelıne beiımdeu turaly naqty tapsyrma berılgen bolatyn. Atalǧan baǧytta atqarylyp jatqan jūmys turaly komissiiaǧa qysqaşa aqparat beruıŋızdı sūraimyn», - deidı QR memlekettık hatşysy Qyrymbek Köşerbaev.
"Adyrna" ūlttyq portaly
