Belgılı qoǧam qairatkerı Mūhtar Taijan jerdı jekeşelendıruge tübegeilı qarsy ekenın jetkızdı. Ol būl turaly Ahmetbek Nūrsilaǧa bergen sūhbatynda aitty, dep habarlaidy «Adyrna» tılşısı.
«Jer menıŋ ūrpaǧyma, halqyma kerek. 2016 jyly basymdy qauıpke tıgıp, jer mäselesıne bailanysty miting ötkızuge ötınış berdım. Sol kezde Erkın Raqyşev qaida jürdı? Oligarhtardyŋ müddelerı — jerdı jekeşelendırıp alu. Men olarǧa qarsy şyqtym. Eger aqşa tabudy közdesem, kerısınşe sol toptyŋ jaǧyna şyqpaimyn ba? Almasbek Sadyrbaev siiaqty bızge investisiia, jerge qojaiyn kerek dep şyryldauşy edım. Eger solai jasasaq, qaltaly azamattar barlyq jerdı iemdenıp alady. Al qarapaiym halyqta aqşa joq. Jer reformasy jönındegı komissiianyŋ qūramynda jalpy 80 adam bar. Olardyŋ ışınde täuelsız sarapşylar öte az. 12-13 adam ǧana jerdıŋ satyluyna qarsy şyqty»,—dedı ol.Sūhbat barysynda Mūhtar Taijan saiahattyŋ adal adamdarǧa mūqtaj ekenın habarlady.
«Halyqty aldaityn saiasatkerlerge jol bermeimın. Qosanov bar, basqalary bar, jalpy halyqty aldap jürgenderge men toidym. Saiasatqa taza oimen kelu qajet. Özımdı eŋ maŋyzdy jūmyspen ainalysyp kele jatyrmyn dep esepteimın. Jemqorlyq pen ädıletsız sailaudy tüzetuge bolady. Bıraq jerımızden aiyrylyp qalsaq, ony kerı qaitaru qiyn»,—dedı belsendı.
«Adyrna» ūlttyq portaly
