Pandemiia kezınde jūmysyn şekteuge mäjbür oryndardyŋ tolyq jabyluynyŋ aldyn alatyn, ärı şekteudı ışınara alyp tastauǧa balama retınde 17 qaŋtardan bastap elımızde «Ashyq» pilottyq jobasy ıske qosyldy.
Aşyq qosymşasynyŋ basty paidasy – qauıpsızdık. Qazır kez kelgen auru belgılerı bar ne belgılerı joq formada COVID-19 ındetımen auyrǧandar üi karantinın saqtauǧa mındettelgen. Alaida özın-özı oqşalau rejimın saqtamai, auyrǧan, nauqas adammen bailanysta bolǧan adamdar qoǧamdyq oryndarǧa baru jaittary oryn alyp otyr. Solai virustyŋ taraluyna sebepşı bolady. Al «Aşyq» qosymşasy osyndai keluşılerdı anyqtaidy. Ärı basqa keluşılerdıŋ qauıpsızdıgın saqtauǧa kömektesedı. Bügınde QR-kodtardy qoldanu praktikasy Oŋtüstık-Şyǧys Aziia elderı – Gonkong, Singapur, Malaiziiada keŋ taraǧan.
«Ashyq» mobildı qosymşasy QR-kodty qoldanu men Densaulyq saqtau ministrlıgınıŋ bazasymen integrasiia arqyly keluşınıŋ virus jūqtyrǧany ne jūqtyrmaǧanyn anyqtauǧa bolady.
Pilotqa qatysu erıktı jürgızıledı. Şymkent qalasynda da jobaǧa qatysuǧa niettıler köp. Bügıngı taŋda qaladaǧy käsıpkerlerden jobaǧa qatysuǧa barlyǧy 848 ötınım tüsken, onyŋ ışınde 367-ne QR kod berıldı. 192 nysan äkımdık saityna ornalastyryldy. Olardyŋ qatarynda bırneşe fitnes-klub, kinoteatr, spa-ortalyq, sauna men basqa da nysandar bar.
Qosymşany qoldanu: nysanǧa keluşı öz telefonyna «Ashyq» mobildı qosymşasyn jüktep, telefon nömırı arqyly avtorizasiia jasap, JSN-ın engızuı kerek. Kırudı tırkeu üşın nysannyŋ QR-kodyn skanerleidı.
Eger adam koronavirustyŋ PTR synaǧynan ötıp, oŋ nätije alsa, «qyzyl» märtebe berıledı. Mūndai märtebe ielerıne üide oqşaulanu rejimın qataŋ saqtau būiyrylady.
«Sary» belgı bailanysqa tüsetın adamdarǧa taǧaiyndalady. Olarǧa azyq-tülık aluǧa nemese üi janyndaǧy därıhanaǧa şyǧuǧa rūqsat etıledı. Bıraq basqa qoǧamdyq oryndarǧa baruyna tyiym salynady.
«Kök» tüs – PTR test talap etılmeitın jerlerde erkın qozǧalady.
«Jasyl»tüs – qozǧalys erkındıgınıŋ belgısı.
«Aşyq» jobasyna qatysuǧa niettı käsıpkerler «info.kazakhstan» saity arqyly ötınış beredı. Qosymşa sūraqtar boiynşa Öŋırlık käsıpkerler palatasyna nemese «Atameken» ŪKP 1432 bailanys nömırıne habarlasuǧa bolady.
Sondai-aq, 1 şıldeden bastap qosymşada adamnyŋ vaksina qabyldaǧan-qabyldamaǧany da körınetın bolady. Sondyqtan özıŋızdıŋ jäne qoǧamnyŋ densaulyǧy üşın ekpe saldyruǧa şaqyramyz. Qalypty ömır saltyn bırge qalyptastyraiyq!
Şymkent qalasy äkımdıgınıŋ baspasöz qyzmetı
