Şymkent qalasynyŋ tazalyǧyn qamtamasyz etu, tūrǧyndarda tazalyq mädenietın qalyptastyru maqsatynda qala äkımı Mūrat Äitenovtıŋ bastamasymen Polisiia departamentı qyzmetkerlerınen ekopoliseiler qūrylǧan bolatyn. Är audanǧa 4 mamannan tartylǧan. Jyl soŋyna deiın mamandar sanyn 10-ǧa şyǧaru josparlanuda.
Olar «Müldem tözbeuşılık qaǧidaty» boiynşa ärbır qūqyq būzuşylyqqa der kezınde den qoiu üşın «uatsap» jelısı arqyly chattar qūryp, oǧan belsendı azamattar, üi tūrǧyndary men üi töraiymdaryn, blogerlerdı engızgen. Būl ädıs qūqyq būzuşylyqtardy anyqtau, der kezınde tiıstı şara qabyldau baǧytynda oŋ äserın tigızude.
Būdan basqa qalada qoǧamdyq tärtıp pen qauıpsızdıktı qamtamasyz etu jäne tazalyqqa baǧyttalǧan «Şymkent-Taza qala» atty ailyq ötkızdı. Is-şara 26 säuırden bastap qaita jalǧasyn tapty.
Atqarylǧan jūmystar nätijesınde tärtıp saqşylary 4 aida 13 312 «Müldem tözbeuşılık qaǧidaty» boiynşa ekologiialyq qūqyq būzuşylyq anyqtaǧan. Äkımşılık kodekstıŋ 434-2 baby (Ortaq paidalanylatyn oryndardy lastau) -1927 (2020 j.-1138), 505-bap (abattandyru qaǧidalaryn būzu) boiynşa -3661 tūlǧaǧa (2020 j.-721) hattama toltyryldy.
Sonymen qatar, Patruldık polisiia polkı qyzmetkerlerı jol jabyndysyn lastaǧan 7724 jük kölıgınıŋ jürgızuşısıne qatysty äkımşılık şaralar qabyldaǧan.
Osy oraida, tūrǧyndardy qoqysty rūqsat etılmegen jerge tastamauǧa şaqyramyz. «Şymkent – taza qala» statusyna ärbırımız jauapty ekenımızdı ūmytpaiyq!
Şymkent qalasy äkımdıgınıŋ baspasöz qyzmetı
