Qazaqstanda «Bolaşaq» bılım beru baǧdarlamasy aiasynda studentterdı oqytu auqymy taǧy 4 elge keŋeitıldı dep habarlaidy «Adyrna» ūlttyq portaly QR Bılım jäne ǧylym ministrlıgınıŋ baspasöz qyzmetıne sılteme jasap.
Atap aitsaq, olardyŋ qataryna Avstriia, Chehiia, İrlandiia jäne Oŋtüstık Afrika kırgen. Sondai-aq tızımge Gonkong (Qytai) qosyldy. Osylaişa qazaqstandyqtar «Bolaşaq» baǧdarlamasy boiynşa 27 elde oqi alady.
Biyl baǧdarlama aiasynda ötınımderdı qabyldau 4 mamyr-27 qazan aralyǧynda ötedı. Bügıngı taŋda qazaqstandyqtardan 158 ötınış kelıp tüsken.
Pandemiiaǧa qaramastan, Halyqaralyq baǧdarlamalar ortalyǧy qazaqstandyqtar bılım ala alatyn şeteldık joǧary oqu oryndarynyŋ sanyn ūlǧaitqan. Eger ötken jyly olardyŋ sany 138 bolsa, 2021-2023 jyldary 207 joǧary oqu orny qazaqstandyq azamattardy oquǧa qabyldauǧa daiyn. Būl rette joǧary oqu oryndaryn ırıkteu talaptary da küşeitılıp otyr. Mäselen, joǧary oqu oryndary üş halyqaralyq akademiialyq reitingke kıruı kerek.
Sondai-aq biyl stipendiialardy taǧaiyndau jüiesıne de özgerıster engızılude. Mäselen, biyl mausym aiynda — 90, tamyzda – 170, al qaraşada 125 stipendiia bölınbek. Būl stipendiiany osy kezeŋge berılgen ötınımderge säikes bırkelkı böluge mümkındık beredı.
Aita ketu kerek, 2021 jyly «Bolaşaq» baǧdarlamasy boiynşa oquǧa 1055 stipendiia bölındı. Onyŋ 555-ı magistratura, rezidentura, doktorantura jäne taǧylymdama bölımderı boiynşa bölınse, 500 stipendiia otandyq ǧalymdarǧa arnalǧan.
"Adyrna" ūlttyq portaly
