Tesla elektromobıl kompanııasynyń basshysy Ilon Mask Reseı Federaııasynda, Qazaqstanda jáne basqa da TMD elderinde Tesla-nyń jaqyn arada resmı paıda bolatyny týraly habarlady.
"Meniń oıymsha, biz jaqyn arada Reseıde bolamyz, al Tesla jaqyn arada Reseıde paıda bolady. Meniń oıymsha, bul tańqalarlyq keremet jańalyq bolmaq. Biz sonymen qatar Qazaqstanǵa, TMD elderine keńirek qarap, resmı ókildikterimizdi ashýǵa keńirek qaraýymyz kerek", - dedi Mask.
"Jańa bilim" atty marafonda Tesla basshysy sonymen qatar Reseıdi elektromobılder shyǵaratyn zaýyttyń ornalasýy retinde qarastyryp jatqanyn aıtty.
"Bizdiń Shanhaıda fabrıkamyz bar ... Biz álemniń basqa bólikterinde de fabrıkalarymyzdyń bolǵanyn qalaımyz, múmkin Reseı týraly oılanayp kóremiz" dedi Mask.
«Jańa bilim» marafony beısenbide Máskeýden bastaldy jáne sonymen qatar Sankt-Peterbýrg, Sochı, Qazan, Nıjnıı Novgorod, Vladıvostok, Kalınıngrad jáne Novosıbırsk qalalarynda ótedi. Forým baǵdarlamasy kelesi baǵyttardy qamtıdy: bilim, tarıh jáne mádenıet, sport, aqparattyq tehnologııalar, óndiris, ǵylym jáne tehnologııalar. Uıymdastyrýshylardyń aıtýynsha, marafon barysynda 150-ge jýyq spıker sóz sóıleıdi.
"Adyrna" ulttyq portaly
