Bügın talantty änşı Dimaş Qūdaibergen 27 jasqa toldy, dep habarlaidy «Adyrna» tılşısı.
Dimaş Qūdaibergen 24 mamyr 1994 jyly Aqtöbe qalasynda Qazaqstan Respublikasynyŋ mädeniet qairatkerlerı Qanat Qūdaibergenūly men Svetlana Aitbaeva otbasynda düniege kelgen. Eŋ alǧaş ret spektaklde oinauymen tanyla bastady. Bes jasynda muzykalyq kolledj sahnasynda alǧaş änşı retınde än salǧan. Alty jasynda “Ainalaiyn” Respublikalyq baiqauynyŋ “Fortepiano” nominasiiasynda jeŋımpaz atanǧan. 2010 jyly "Baiqonyrdyŋ Äsem dauystary" Halyqaralyq festivalınıŋ I jülde laureaty atandy. 2012 jyly “Jas qanat” Respublikalyq jas än oryndauşylar baiqauynyŋ Gran-pri jüldesıne ie boldy. 2012 jyly “Vostochnyi bazar” Halyqaralyq baiqauynda I jülde laureaty ataǧyna ie boldy. Bır jyldan soŋ, “Meikin Aziia” I Halyqaralyq festivalınıŋ jeŋımpazy bolyp atandy. 2014 jyly Aqtöbe qalasynda A.Jūbanov atyndaǧy Muzykalyq kolledjınde “akademiialyq än oryndau” fakultetın bıtırıp, Qazaq Ūlttyq öner universitetınıŋ “estrada önerı” fakultetıne tüstı.
Naǧyz tanymaldyq Vitebsk qalasynda XXIV Halyqaralyq estradalyq än oryndauşylar «Slavian bazary-2015» baiqauynda Gran-pri jeŋıp alǧan soŋ kelgen. Ekı kün ışınde, jas änşı 175 ūpai jinaǧan. Bırınşı künı ol Konstantin Meladze kompozitorınıŋ «Opiat metel» änın, al ekınşı künı Fransuz änşısı Gregori Lemarşal repertuarynan alynǧan «Sos dun terien un detresse» änın oryndady. 2015 jyly 28 qazan künı Ystambūldada Dimaş Qūdaibergenov “Abu TV” Halyqaralyq Aziia-Tynyq mūhit festivalınde Qazaqstan Respublikasynyŋ atynan alǧaş ret qatysty.
27 nauryzda 2017 Qazaqstannyŋ süiıktı änşısı Dimaş Qūdaibergenov "Top Chinese Music Awards" nominasiianyŋ jeŋımpazy atandy. Änşınıŋ PR-direktory Alpamys Şarimovtyŋ aituy boiynşa, bızdıŋ änşı "Aziiadaǧy eŋ ataqty änşı" nominasiiasyn jeŋıp aldy. Marapattau seremoniiasy kezınde Dimaş SOS d'un terrien en détresse änın oryndaǧan.
15 säuır 2017 Dimaş Qūdaibergenov Qytaidaǧy "Singer 2017" jobasynda ekınşı oryn aldy.
Änşınıŋ ata-äjelerı de muzyka adamdary. Bırı dombyrada oinasa, ekınşısınıŋ än aituǧa beiımı mol. Öner iesınıŋ Rauşan atty qaryndasy, Mansūr atty ınısı bar.
«Adyrna» ūlttyq portaly
