Búgin – Dımash Qudaıbergenniń týǵan kúni

1843

Búgin talantty ánshi Dımash Qudaıbergen 27 jasqa toldy, dep habarlaıdy «Adyrna» tilshisi.

Dımash Qudaıbergen 24 mamyr 1994 jyly Aqtóbe qalasynda Qazaqstan Respýblıkasynyń mádenıet qaıratkerleri Qanat Qudaıbergenuly men Svetlana Aıtbaeva otbasynda dúnıege kelgen. Eń alǵash ret spektaklde oınaýymen tanyla bastady. Bes jasynda mýzykalyq kolledj sahnasynda alǵash ánshi retinde án salǵan. Alty jasynda “Aınalaıyn” Respýblıkalyq baıqaýynyń “Fortepıano” nomınaııasynda jeńimpaz atanǵan. 2010 jyly "Baıqonyrdyń Ásem daýystary" Halyqaralyq festıvaliniń I júlde laýreaty atandy. 2012 jyly “Jas qanat” Respýblıkalyq jas án oryndaýshylar baıqaýynyń Gran-prı júldesine ıe boldy. 2012 jyly “Vostochnyı bazar” Halyqaralyq baıqaýynda I júlde laýreaty ataǵyna ıe boldy. Bir jyldan soń, “Meıkın Azııa” I Halyqaralyq festıvaliniń jeńimpazy bolyp atandy. 2014 jyly Aqtóbe qalasynda A.Jubanov atyndaǵy Mýzykalyq kolledjinde “akademııalyq án oryndaý” fakýltetin bitirip, Qazaq Ulttyq óner ýnıversıtetiniń “estrada óneri” fakýltetine tústi.

Naǵyz tanymaldyq Vıtebsk qalasynda XXIV Halyqaralyq estradalyq án oryndaýshylar «Slavıan bazary-2015» baıqaýynda Gran-prı jeńip alǵan soń kelgen. Eki kún ishinde, jas ánshi 175 upaı jınaǵan. Birinshi kúni ol Konstantın Meladze kompozıtoriniń «Opıat metel» ánin, al ekinshi kúni Franýz ánshisi Gregorı Lemarshal repertýarynan alynǵan «Sos dun terien un detresse» ánin oryndady. 2015 jyly 28 qazan kúni Ystambuldada Dımash Qudaıbergenov “Abu TV” Halyqaralyq Azııa-Tynyq muhıt festıvalinde Qazaqstan Respýblıkasynyń atynan alǵash ret qatysty.

27 naýryzda 2017 Qazaqstannyń súıikti ánshisi Dımash Qudaıbergenov "Top Chinese Music Awards" nomınaııanyń jeńimpazy atandy. Ánshiniń PR-dırektory Alpamys Sharımovtyń aıtýy boıynsha, bizdiń ánshi "Azııadaǵy eń ataqty ánshi" nomınaııasyn jeńip aldy. Marapattaý eremonııasy kezinde Dımash SOS d'un terrien en détresse ánin oryndaǵan.

15 sáýir 2017 Dımash Qudaıbergenov Qytaıdaǵy "Singer 2017" jobasynda ekinshi oryn aldy.

Ánshiniń ata-ájeleri de mýzyka adamdary. Biri dombyrada oınasa, ekinshisiniń án aıtýǵa beıimi mol. Óner ıesiniń Raýshan atty qaryndasy, Mansur atty inisi bar.

«Adyrna» ulttyq portaly

Pikirler
Redakııa tańdaýy