Búgin — ǵalym Myrzataı Joldasbekovtyń týǵan kúni

3512
Adyrna.kz Telegram

Búgin — fılologııa ǵylymynyń doktory, akademık, kórnekti memleket jáne qoǵam qaıratkeri Myrzataı Joldasbekovtyń týǵan kúni. Ol 1937 jyly Jambyl oblysy Talas aýdany Aqtóbe aýylynda týǵan. Ǵalym bıyl 84 jasqa keldi. 

1954-1955 jyldary Aqkól aýdandyq keńesiniń hatshysy bolyp qyzmet atqarǵan. QazMÝ-di bitirgen (1960). 1960-1964 - jyldary osy ýnıversıtettegi qazaq ádebıeti kafedrasynda assıstent, 1964-1967 jyldary - aspırant. 1970-1974 jyldary aǵa oqytýshy, doent, 1974-1977 jyldary fılologııa fakýltetiniń dekany boldy.

1977-1987 jyldary Taldyqorǵan pedagogıka ınstıtýtynyń rektory, 1987-1988 jyldary Qazaqstannyń oqý mınıstri, bilim mınıstriniń birinshi orynbasary, 1988-1990 jyldary Qazaqstan Kompartııasy Ortalyq Komıtetinde bólim meńgerýshisiniń birinshi orynbasary, bólim meńgerýshisi, 1990 jyldary Qazaqstannyń Memleket keńesshisi, 1991-1993 jyldary Qazaqstan Respýblıkasy Premer-mınıstriniń orynbasary, 1993-1997 jyldary Qazaqstan Respýblıkasynyń Iran Islam Respýblıkasyndaǵy Tótenshe jáne Ókiletti Elshisi, 1997-2000 jyldary Qazaqstan Respýblıkasy Syrtqy ister mınıstri janyndaǵy Dıplomatııalyq akademııanyń rektory qyzmetterin atqardy.

2000-2004 jyldary Astanadaǵy Eýrazııa ulttyq ýnıversıtetiniń rektory, 2006 jyldan QR Prezıdenttik mádenıet ortalyǵynyń dırektory boldy. Joldasbekov qazaq ádebıetiniń alǵashqy qaınar bastaýlaryn, Jambyl Jabaev shyǵarmashylyǵyn zertteýge mol úles qosty. Túrik qaǵanaty kezindegi Orhon-Enıseı jazba eskertkishterin qazaq ǵalymdary arasynda alǵashqylardyń biri bolyp jańasha zerdelep, qazaq tilindegi aýdarmasyn ǵylymı aınalymǵa engizdi. Jambyldyń aqyndyq mektebin zerttep, onyń tustastary men shákirtteriniń týyndylaryn jan-jaqty taldady.

«Halyqtar dostyǵy», «Qurmet», «Parasat», «Barys» ordenderimen marapattalǵan.

"Adyrna" ulttyq portaly

 

Pikirler